Ravi Teja: ‘దర్శకుడు వంశీ కథ చెప్పగానే.. వెంటనే స్టార్ట్ చేద్దామని చెప్పా.. అతని గురించి సినిమా విడుదలయ్యాక గట్టిగా మాట్లాడతా’నని హీరో రవితేజ (Ravi Teja) అన్నారు. ఆయన హీరోగా నటించిన ‘టైగర్ నాగేశ్వరరావు’ (Tiger Nageswara Rao) ప్రీ రిలీజ్ ఈవెంట్ హైదరాబాద్ లో ఘనంగా జరిగింది.
‘నిర్మాత అభిషేక్ ఎక్కడా రాజీ పడలేదు. రామ్-లక్ష్మణ్, పీటర్ హెయిన్స్ అద్భుతమైన ఫైట్స్ తెరకెక్కించారు. మది ఫొటోగ్రఫీ సినిమాకే హైలైట్. చాలాకాలం తర్వాత రేణూ దేశాయ్ (Renu Desai) రీ-ఎంట్రీ ఇవ్వడం సంతోషించే విషయం. 19న వస్తున్న బాలకృష్ణ గారి భగవంత్ కేసరి, విజయ్ లియో విజయవంతం కావాలని ఆకాంక్షిస్తున్నా’ని అన్నారు.
‘మీ అభిమానం చూస్తూంటే బద్రీ నిన్నో, మొన్నో విడుదలైనట్టు ఉంది. మంచి ప్రాజెక్టులో భాగమయ్యే అవకాశం వచ్చింద’ని రేణూ దేశాయి అన్నారు. సినిమా విజయవంతం కావాలని ప్రముఖ కథా రచయిత విజయేంద్రప్రసాద్ ఆకాంక్షించారు. రవితేజకు మాస్ మహారాజ్ ట్యాగ్ నేనే ఇచ్చాను. అది నాకెంతో సంతోషం. కొత్త టాలెంట్ ని ప్రోత్సహిస్తారు. త్వరలో ఆయనతో సినిమా చేస్తా’నని హరీశ్ శంకర్ అన్నారు.