Rashmika Mandanna : అల్లు అర్జున్ హీరోగా సుకుమార్ దర్శకత్వంలో రూపొంది రెండేళ్ల క్రితం వచ్చిన ‘పుష్ప’ చిత్రం భారీ విజయాన్ని సొంతం చేసుకున్న విషయం తెల్సిందే. పాన్‌ ఇండియా రేంజ్ లో పుష్ప సినిమా బ్లాక్ బస్టర్ విజయాన్ని సొంతం చేసుకుంది. దాంతో పుష్ప 2 పై అంచనాలు భారీగా ఉన్నాయి.
ఏడాది పాటు ప్రీ ప్రొడక్షన్ వర్క్ జరిపి షూటింగ్ ను ప్రారంభించిన దర్శకుడు సుకుమార్ ఈ ఏడాది ఆగస్టు లో సినిమాను ప్రేక్షకుల ముందుకు తీసుకు వచ్చేందుకు రెడీ అవుతున్నాడు. ఇలాంటి సమయంలో హీరోయిన్ రష్మిక మందన్న పుష్ప 2 సినిమా గురించి చేసిన వ్యాఖ్యలు అందరి దృష్టిని ఆకర్షిస్తున్నాయి.
ఇటీవల ఒక ఇంటర్వ్యూలో రష్మిక ‘పుష్ప 2’ గురించి మాట్లాడుతూ… కచ్చితంగా ఈ సినిమా అంచనాలను అందుకుంటుంది. పుష్ప సినిమా ను మించి పుష్ప 2 ఉంటుందని రష్మిక హామీ ఇచ్చింది. అంతే కాకుండా పుష్ప 2 సినిమాలో బన్నీ పాత్ర తో పాటు అన్ని పాత్రలు కూడా చాలా పవర్ ఫుల్ గా ఉంటాయని ఆమె పేర్కొంది. సుకుమార్ ప్రతిష్టాత్మకంగా తీసుకుని పుష్ప 2 ని రూపొందిస్తున్నట్లుగా ఆమె పేర్కొంది.