రాజస్థాన్ లో రాజకీయ రగడ కొనసాగుతూనే ఉంది. మొన్నటి వరకు గెహ్లాట్ వర్సెస్ సచిన్ పైలట్ గా సాగిన పరిణామాలు ప్రస్తుతం గవర్నర్ వర్సెస్ గెహ్లాట్ గా మారాయి. అసెంబ్లీ సమావేశాల నిర్వహణకు గవర్నర్ కల్ రాజ్ మిశ్రా వెనకాడుతున్నారని, ఆయనపై ఢిల్లీ నుంచి తీవ్ర స్థాయిలో ఒత్తిడి ఉందని సీఎం గెహ్లాట్ ఆరోపించారు. ఈ నేపథ్యంలో ప్రజలు రాజ్ భవన్ ను ముట్టడిస్తే తమకు ఎలాంటి సంబంధం ఉండదని హెచ్చరించడం గమనార్హం.
సచిన్ పైలట్ సహా అసమ్మతి వర్గం ఎమ్మెల్యేలపై అనర్హత విషయంలో యథాతథ స్థితిని కొనసాగించాలంటూ రాజస్థాన్ హైకోర్టు తాజాగా ఆదేశాలిచ్చిన నేపథ్యంలో గెహ్లాట్ ప్లాన్ బి కి శ్రీకారం చుట్టినట్టుగా తెలుస్తోంది. వెంటనే అసెంబ్లీ సమావేశం ఏర్పాటు చేసి బలం నిరూపించుకోవాలని ఆయన భావిస్తున్నారు. ప్రస్తుతం మ్యాజిక్ ఫిగర్ కు అవసరమైన సంఖ్యాబలం తనకు ఉండటంతో సాధ్యమైనంత త్వరగా ఈ ప్రక్రియ పూర్తిచేసి తానేంటో చూపించాలనే పట్టుదలతో ఉన్నారు.
తొలుత అసెంబ్లీలో బలం నిరూపించుకోవాలంటూ అటు సచిన్ పైలట్, ఇటు బీజేపీ డిమాండ్ చేసినప్పుడు స్పందించని గెహ్లాట్.. అసమ్మతి వర్గం ఎమ్మెల్యేలపై అనర్హత వేటు వేయించడానికే మొగ్గు చూపారు. 200 మంది సభ్యుల గల రాజస్థాన్ అసెంబ్లీలో మ్యాజిక్ ఫిగర్ 101. అసమ్మతికి ముందు మిత్రపక్షాలు, స్వతంత్రులతో కలుపుకొని కాంగ్రెస్ బలం 122 ఉండేది. 19 మంది తిరుగుబాటు తర్వాత అది 103కి చేరింది. అయితే, సచిన్ వర్గం ఎమ్మెల్యేలపై అనర్హత వేటు వస్తే.. మ్యాజిక్ ఫిగర్ కూడా తగ్గిపోయి, కాంగ్రెస్ సునాయాస విజయం సాధిస్తుంది. ఈ నేపథ్యంలోనే అనర్హత దిశగా పావులు కదిపారు. అయితే, దీనిపై కోర్టు యథాతథ స్థితి కొనసాగించాలని తాజాగా ఆదేశించడంతో బలపరీక్ష నిర్వహించుకోవాలని నిర్ణయం తీసుకున్నారు.
ప్రస్తుతం తమకు సరిపడా మెజార్టీ ఉందని.. అంతేకాకుండా ప్రస్తుత పరిణామాల నేపథ్యంలో సచిన్ వర్గంలోని పలువురు వెనక్కి వచ్చే అవకాశం ఉందని గెహ్లాట్ భావిస్తున్నారు. వారిని బలవంతంగా నిర్బంధించారని ఆరోపించారు. సోమవారం సభ ఏర్పాటు చేయాల్సిందిగా ఇప్పటికే గవర్నర్ ను కలిసి విన్నవించారు. అనుకున్నవన్నీ అనుకున్నట్టు జరిగి సభ సమావేశమైతే బలం నిరూపించుకోవాలని.. ఆ ప్రక్రియ పూర్తయితే మరో ఆరు నెలల వరకు విశ్వాస పరీక్ష నిర్వహించే అవకాశం ఉండదని.. ఆలోగా అసమ్మతి వర్గాన్ని దారికి తెచ్చుకోవడమో లేక వేటు వేయడం ద్వారా చెక్ చెప్పడమో చేయాలని భావిస్తున్నట్టు తెలుస్తోంది. మొత్తానికి రాజస్థాన్ రాజకీయ బంతి ప్రస్తుతం గవర్నర్ కోర్టులోకి చేరింది. ఆయన ఎలాంటి నిర్ణయం తీసుకుంటారో అని రాజకీయ వర్గాల్లో ఉత్కంఠ నెలకొంది.
36898 229993Thank you for every other informative web site. Exactly where else could I get that type of info written in such a perfect means? Ive a mission that Im just now operating on, and Ive been at the look out for such information. 989437