ప్యాన్ ఇండియన్ స్టార్ ప్రభాస్ ప్రస్తుతం యూరోప్ ఖండంలో విశ్రాంతి తీసుకుంటున్న విషయం తెల్సిందే. ప్రభాస్ మోకాలి శస్త్రచికిత్స కోసం యూరోప్ వెళ్ళాడు. చికిత్స విజయవంతంగా పూర్తవ్వగా వైద్యుల సలహా మేరకు ఇప్పుడు అక్కడే విశ్రాంతి తీసుకుంటున్నాడు. మరికొన్నాళ్లు అక్కడే ఉండనున్నాడు ప్రభాస్. పూర్తి రెస్ట్ మోడ్ లో ఉన్న ప్రభాస్ పబ్లిక్ ముందుకు రావట్లేదు. తన పుట్టినరోజుకు కూడా ఎక్కడా కనిపించలేదు.
తాజాగా అందిన సమాచారం ప్రకారం ప్రభాస్ నవంబర్ 6న హైదరాబాద్ తిరిగిరానున్నాడు. సలార్ ట్రైలర్ నవంబర్ రెండో వారంలో విడుదల కానుంది. ఈ నేపథ్యంలో ప్రమోషన్స్ కోసం కచ్చితంగా మీడియా ముందుకు వస్తాడు ప్రభాస్. డిసెంబర్ 22న సలార్ విడుదల కానుంది.
ప్రస్తుతం ప్రభాస్ రెండు సినిమాలతో బిజీగా ఉన్నాడు. కల్కి 2898 AD షూటింగ్ ఈ నెలాఖరులో తిరిగి మొదలవుతుంది. అలాగే ప్రభాస్ – మారుతి చిత్ర షూటింగ్ కూడా పూర్తి చేయాల్సి ఉంది.