ఎట్టకేలకు పోలవరం ప్రాజెక్టు నుంచి నీళ్ళు కిందికి దిగొచ్చాయ్. ప్రాజెక్టు రివర్ స్లూయిజ్ గేట్ల నుంచి నీటిని కిందికి పంపించారు. ఈ క్రమంలో ఎగువ కాఫర్ డ్యామ్ నుంచి నీళ్ళను స్పిల్ వే వైపుకి మళ్ళించాల్సి వచ్చింది. ఈ మళ్ళింపు ప్రక్రియ ప్రాజెక్టు నిర్మాణంలో కీలకమైన అంశమే. నీళ్ళను స్పిల్ వే వైపుకు మళ్ళించడంతో, ఆ నీళ్ళు స్పిల్ వే రివర్ స్లూయిజ్ గేట్ల నుంచి ప్రాజెక్టు దిగువకు వెల్లువలా జాలువారాయి.
ఈ విషయమై అధికార వైసీపీకి, ప్రతిపక్షం తెలుగుదేశం పార్టీకీ మధ్య రాజకీయ రచ్చకు కారణమయ్యింది. నీటిని కిందికి వదలడం తమ ఘనత అని వైసీపీ ప్రభుత్వం చెప్పుకుంటోంది. అయితే, 70 శాతం పనులు తమ హయాంలోనే పూర్తి చేశామనీ, తామే అధికారంలో వుంటే, ఏడాదిన్నర క్రితమే ఈ పని పూర్తి చేసేవాళ్ళమనీ టీడీపీ చెబుతోంది. ఎవరి గోల వారిదే. కేంద్రం ఇంకా పోలవరం ప్రాజెక్టుకి సంబంధించి నిథుల్ని ‘పెండింగ్’లో పెడితే, రాష్ట్రం ఆ నిథుల్ని రీ-ఎంబర్స్ చేసుకోవడానికి నానా తంటాలూ పడుతోంటే, ‘మా గొప్ప..’ అంటే, ‘కాదు మా గొప్ప..’ అని ఒకరిని మించి ఇంకొకరు గొప్పలకు పోయి, ఒకరిపై ఒకరు దుమ్మత్తిపోసుకోవడమేంటి.?
ఎవరు ఔనన్నా ఎవరు కాదన్నా చంద్రబాబు హయాంలో పోలవరం ప్రాజెక్టు పనులు కొంతమేర వేగంగానే జరిగాయి. అంతకు ముందు వైఎస్ రాజశేఖర్ రెడ్డి హయాంలో మెయిన్ ప్రాజెక్టు సంగతి పక్కన పెట్టి, కాలువల తవ్వకాల మీద ఆసక్తి చూపడం జరిగింది. వైఎస్ జగన్ అధికారంలోకి వచ్చాక రివర్స్ టెండరింగ్ పేరుతో పోలవరం ప్రాజెక్టు పనులకు కొంత కాలం పాటు బ్రేక్ వేసేశారు. ఇప్పుడేమో కేంద్రం ఇవ్వాల్సిన నిధుల కోసం దేబిరించాల్సిన దుస్థితి.
ప్రాజెక్టు పూర్తవ్వాలంటే ఇంకా చాలా చాలా చెయ్యాలి. అందులో ముంపు బాధితుల పునరావాసం అతి ముఖ్యమైనది. దాంతోపాటుగా, మిగతా పనులూ పూర్తి చేయాలి. అవన్నీ చేశాక గొప్పల గురించి మాట్లాడుకుంటే బావుంటుందేమో ఎవరైనాసరే. లేదంటే, అదిగో అలా సంబరపడుతున్నారు కదా.. ఇక, ప్రాజెక్టు పూర్తయినట్లే.. మాకేం సంబంధం లేదు.. అని కేంద్రం చేతులు దులిపేసుకున్నా ఆశ్చర్యపోవాల్సిన పనిలేదు.
170317 60742Having read this I thought it was really informative. I appreciate you taking the time and effort to put this article together. I once once more locate myself spending strategy to significantly time both reading and commenting. But so what, it was nonetheless worth it! 294269
547256 421537Superb read, I just passed this onto a colleague who was doing a bit research on that. And he in fact bought me lunch as I discovered it for him smile So let me rephrase that: Thank you for lunch! 107463