Pawan Kalyan: పవర్ స్టార్ పవన్ కల్యాణ్ (Pawan Kalyan) సినిమా షూటింగ్ ప్రారంభమైతేనే అభిమానుల్లో అంచనాలు పెరిగిపోతాయి. సినిమా షూటింగ్ ఎప్పుడవుతుందా..? విడుదలెప్పుడు..? పవన్ ను ఎలా చూడబోతున్నామనే ఉత్సుకత పెరిగిపోతాయి. అటువంటి అంచనాలతోనే ప్రారంభమైన సినిమా ‘హరిహర వీరమల్లు’. పిరియాడికల్ కథాంశంతో తెరకెక్కుతున్న సినిమాలో పవన్ మునుపెన్నడూ చేయని జోనర్లో నటిస్తున్నారు.
క్రిష్ దర్శకత్వంలో 2020లో ప్రారంభమైన సినిమా షూటింగ్ ఇప్పటికి 4ఏళ్లు పూర్తయింది. అయినా.. చేయాల్సిన షూటింగ్ పార్ట్ భారీగానే ఉందంటున్నారు. కోవిడ్ సమయంలో షూటింగ్ గ్యాప్ వచ్చింది. తర్వాత కూడా షూటింగ్ నెమ్మదిగానే జరిగింది. ఈ మధ్యలో పవన్ కొన్ని సినిమాలు అంగీకరించి విడుదల కూడా చేశారు. కానీ.. హరిహర వీరమల్లు విషయంలోనే ఆలస్యం అవుతోంది.
‘షూటింగ్ పూర్తైనప్పుడు బ్యాచిలర్ గా సంతోషంగా ట్వీట్ వేశా. ఉద్యోగం వచ్చింది.. పెళ్లయింది.. బాబు పుట్టాడు. కానీ.. సినిమా షూటింగ్ మాత్రం పూర్తవలేద’ని ఓ అభిమాని ఆవేదన అర్ధం చేసుకోదగినదే. మరి.. దీనిపై అప్డేట్ నిర్మాత ఏఎం.రత్నం ఇవ్వాల్సిందే..!