ప్రాణమా.? పరీక్షా.? ఏది ముఖ్యం.? అనే చర్చ వస్తే, ప్రభుత్వానికి పరీక్షల నిర్వహణే ముఖ్యమన్నట్టుంది పరిస్థితి. విద్యార్థులు మాత్రం, తమ ప్రాణం కంటే పరీక్షలు గొప్పవేమీ కాదంటున్నారు. ఇంటర్మీడియట్ పరీక్షలు వాయిదా పడ్డాయి.. తాజాగా పదో తరగతి పరీక్షలూ వాయిదా వేస్తున్నట్లు రాష్ట్ర ప్రభుత్వం ప్రకటించింది.
నిజానికి, పదో తరగతి పరీక్షలు దేశవ్యాప్తంగా వివిధ రాష్ట్రాల్లో రద్దయ్యాయి. తెలంగాణ ప్రభుత్వం ఈ ఏడాది పదో తరగతి పరీక్షల్ని రద్దు చేయడమే కాదు.. అందర్నీ పాస్ చేసేస్తూ ఇటీవల ఫలితాల్ని కూడా వెల్లడించింది. మరి, ఆంధ్రపదేశ్ రాష్ట్రంలో ఈ పద్ధతి ఎందుకు అనుసరించడంలేదు.? ఒక్కో రాష్ట్రం ఆలోచన ఒక్కోలా వుండొచ్చు. కానీ, ఎక్కడైనా విద్యార్థుల ఆలోచన ఒకేలా వుంటుంది. తెలంగాణలో పదో తరగతి విద్యార్థులకు రాని సమస్య, ఆంధ్రపదేశ్ రాష్ట్రంలో విద్యార్థులకు ఎందుకు వస్తుంది.? అన్న కనీసపాటి ఇంగితం సోకాల్డ్ రాజకీయ నాయకుల్లో కొరవడటం వల్లే ఈ దుస్థితి.
నిజానికి, ఎప్పుడో మార్చిలో జరగాల్సిన పరీక్షలివి. కరోనా కారణంగా జూన్ నెలలో నిర్వహించడానికి ఆంధ్రపదేశ్ సన్నాహాలు చేసింది. ఇప్పుడు పరిస్థితి మరీ దారుణంగా వుంది. ముందు ముందు ఇంకెంత భయంకరంగా వుంటుందో చెప్పలేని పరిస్థితి. మూడో వేవ్ భయాల నేపథ్యంలో విద్యార్థి లోకం గజగజలాడిపోతోంది. ఈ పరిస్థితుల్లో వారి మెదళ్ళు పరీక్షలు రాసేందుకు సిద్ధంగా వుంటాయా.? వుండవుగాక వుండవు. మెదళ్ళు పగిలిపోతున్నాయి.. పరీక్షల గురించి ఆలోచిస్తోంటే.. అంటూ విద్యార్థులు వాపోతున్నారు. విద్యార్థుల్లో మానసిక సమస్యలకు పరీక్షలు కారణం కాకూడదు. విపక్షాలు డిమాండ్ చేస్తున్నాయి కాబట్టి, వారి డిమాండ్లకు తలగొగ్గకూడదని ప్రభుత్వ పెద్దలు మొండి పట్టుదలకు పోతే.. అవతల పోయేవి విద్యార్థుల ప్రాణాలు.
తెలంగాణలో విద్యార్థులు, పదో తరగతి పరీక్షలు వచ్చేశాయి గనుక, ఇంటర్మీడియట్ కోసం సన్నాహాల్లో నిమగ్నమైపోవచ్చు. అలా చూస్తే, ఏపీ విద్యార్థుల పరిస్థితేంటి.? ఇంటర్మీడియట్ విషయంలో వాళ్ళంతా వెనకబడిపోతున్నట్లే కదా.? ఎన్నాళ్ళీ అగ్ని పరీక్ష.? అసలు పరీక్షలు జరుగుతాయా.? జరగవా.? ఏపీలో పదో తరగతి విద్యార్థుల భవిష్యత్తేంటి.? ఏమో, కాలమే సమాధానం చెప్పాలి.
466806 568164Black Ops Zombies […]some people nonetheless have not played this game. It is hard to picture or believe, but yes, some men and women are missing out on all with the fun.[…] 671075
838257 555333Lots of writers recommend just writing and composing no matter how bad and if the story is going to develop, youll suddenly hit the zone and itll develop. 897993
19142 850120As I web site possessor I believe the content material here is truly excellent , regards for your efforts. 707012
268227 437330You got a really fantastic web site, Sword lily I observed it by means of yahoo. 25946
4582 327607Excellent data, better still to uncover out your weblog that has an excellent layout. Nicely done 618579