రాంచరణ్,ఎన్టీఆర్ లలో ఎవరు ‘గ్లోబల్ స్టార్’ ?!

ప్రపంచ వేదికలపై మన తెలుగు సినిమా ‘ఆర్ఆర్ఆర్’ సత్తా చాటుతోంది. ఆస్కార్ బరిలో కూడా నిలిచింది. ఇంకోపక్క, రామ్ చరణ్‌ని ఇంటర్నేషనల్ సూపర్ స్టార్.. అంటూ కొందరు హాలీవుడ్‌లో పొగుడుతున్నారు. గ్లోబల్ స్టార్ అని అంటున్నారు కూడా. ఇంకోపక్క ‘ఎన్టీయార్ గోస్ గ్లోబల్’ అంటూ యంగ్ టైగర్ ఎన్టీయార్ అభిమానులు తమ అభిమాన హీరోని ప్రమోట్ చేస్తున్నారు. ఇవన్నీ వాస్తవాలే. ఎన్టీయార్ గొప్ప నటుడు.. కాదని ఎలా అనగలం.? అలాగని, రామ్ చరణ్‌ని తక్కువ చూస్తే ఎలా.?

అసలు విషయానికొస్తే, ఓ వెబ్ సైట్. తాజాగా ‘గ్రేట్’ పోల్ ఒకటి పెట్టింది. అందులో గ్లోబల్ స్టార్ ఎవరు.? అన్న ప్రశ్న వుంచారు. ‘పోల్’లో రామ్ చరణ్ గ్లోబల్ స్టార్ అని తేలింది.

ఫేక్ పోల్.. అంటూ ఎన్టీయార్ అభిమానులు గుస్సా అవుతున్నారు. దానికి కారణం లేకపోలేదు. అసలు ఆ పోల్ పెట్టడానికే కొందరు ఎన్టీయార్ అభిమానులు కారణమట. అయితే, అనూహ్యంగా ఈ పోల్‌లో రామ్ చరణ్ అభిమానులూ సత్తా చాటారు. దాంతో, చెప్పుకోదగ్గ మార్జిన్‌తోనే ఎన్టీయార్‌పై రామ్ చరణ్ ‘గ్లోబల్ స్టార్’ ఇమేజ్ గెలుచుకోగలిగాడు. అదీ అసలు సంగతి. చివరి వరకూ సోకాల్డ్ ఎన్టీయార్ అభిమానులు ప్రయత్నించినా ఫలితం లేకపోయిందట. వాళ్ళకు సమాధానం చెప్పలేక సదరు వెబ్ సైట్ నిర్వాహకులు తంటాలు పడాల్సి వస్తోంది.

మరోపక్క, అంతకు ముందు ఇంకో మీడియా సంస్థ కూడా గ్లోబల్ స్టార్ విషయమ్మీదనే పోల్ నిర్వహించింది. ఈ పోల్ వెనుక కూడా ఎన్టీయార్ అభిమానుల కష్టమే దాగి వుంది. మరింత ఉధృతంగా ఎన్టీయార్ అభిమానులు ఈ పోల్‌లో తమ అభిమాన నటుడు ఎన్టీయార్‌కి మద్దతుగా ఓట్లు వేశారు. ఈసారి మాత్రం ఎన్టీయార్‌కి విజయం దక్కింది.
.
ఆయా సోషల్ మీడియా హ్యాండిల్స్‌ని ఫాలో అవుతున్నవారిలో ఎంతమంది ఎవరి ఫ్యాన్స్.? అన్నదాన్ని బట్టి ఆయా పోల్స్ తాలూకు రిజల్ట్స్ ఆధారపడి వుంటాయి.

ఇదిలా వుంటే, ఇటీవల ‘హాలీవుడ్ క్రిటిక్స్ అసోసియేషన్’ అవార్డుల ప్రదానోత్సవం సందర్భంగా చోటు చేసుకున్న పరిణామాలతో జూనియర్ ఎన్టీయార్ ‘ఆర్ఆర్ఆర్’ బృందంపై అసహనం వ్యక్తం చేశారంటూ ప్రచారం జరుగుతోన్న సంగతి తెలిసిందే.

ఒక్కటైతే నిజం. ‘ఆర్ఆర్ఆర్’ సినిమాకి ఇద్దరు కాదు, ముగ్గురు హీరోలు. గ్లోబల్ స్టార్స్.. అంటే, రామ్ చరణ్ అలాగే ఎన్టీయార్ మాత్రమే కాదు, రాజమౌళి కూడా.! రామ్ చరణ్ అంటే గిట్టనివారు, గ్లోబల్ స్టార్ రామ్ చరణ్ అనే గుర్తింపుని జీర్ణించుకోలేనివారి కారణంగా.. ఎవరు గ్లోబల్ స్టార్.? అన్న రచ్చ జరుగుతోందంతే.