హిందీ జాతీయ భాషలా చెలామణీ అవుతోంది. అది జాతీయ భాషేనా.? అన్నదానిపై భిన్న వాదనలున్నాయి. ప్రత్యేకించి దక్షిణాది రాష్ట్రాల నుంచి హిందీ విషయమై వ్యతిరేకత వున్న మాట వాస్తవం. బలవంతంగా హిందీని తమపై రుద్దడాన్ని దక్షిణాది రాష్ట్రాలు తీవ్రంగా వ్యతిరేకిస్తున్నాయి. కానీ, ఆ హిందీని బలవంతంగా రుద్దే ప్రయత్నమైతే ప్రస్తుత నరేంద్ర మోడీ సర్కారు అవలంబిస్తోంది.
దేశంలో మెజార్టీ ప్రజానీకానికి అర్థమయ్యే భాష హిందీ. అలాగని, దాన్ని తప్పనిసరి భాషగా మార్చాలనే ప్రయత్నం మాత్రం సబబు కాదన్నది రాజకీయ విశ్లేషకుల వాదన. సరే, ఎవరి గోల వారిది. ఇప్పుడీ హిందీ రగడ, సినీ రంగంలో చిచ్చుపెడుతోంది.
‘మనది ఇండియన్ సినిమా..’ అంటూ ‘బాహుబలి’ తర్వాత బాలీవుడ్ సినీ జనం గట్టిగా నినదిస్తున్నారు. వాస్తవానికి ఈ భావన ఇప్పటిది కాదు. సౌత్ సినిమా ఎప్పటినుంచో ఇదే మాట చెబుతోంది. అయితే, సౌత్ సినిమాని బాలీవుడ్ సినీ జనం అవమానిస్తూనే వున్నారు.
ఇటీవల ఓ సినీ వేడుకలో కన్నడ సినీ నటుడు సుదీప్ మాట్లాడుతూ, ‘హిందీ జాతీయ భాష కాదు.. బాలీవుడ్, ఇప్పుడు కొత్తగా పాన్ ఇండియా సినిమాలంటోంది.. కానీ, బాలీవుడ్ తీసే పాన్ ఇండియా సినిమాలు ఫెయిల్ అవుతున్నాయి. దక్షిణాది సినిమా అంతర్జాతీయ స్థాయికి ఎదిగింది..’ అంటూ వ్యాఖ్యానించాడు.
దాంతో, బాలీవుడ్ నటుడు అజయ్ దేవగన్ నొచ్చుకున్నాడు.. సుదీప్కి ట్విట్టర్ వేదికగా క్లాస్ పీకేందుకు ప్రయత్నించాడు. ఈ క్రమంలో హిందీలో ట్వీటేశాడు అజయ్ దేవగన్. ‘మీరు వేసిన హిందీ ట్వీటుని నేను అర్థం చేసుకోగలను. కానీ, నేను కన్నడలో స్పందిస్తే మీకు అర్థమవుతుందా.?’ అని ప్రశ్నించాడు సుదీప్.
దాంతో, ఇంగ్లీషులో అజయ్ దేవగన్ మరో ట్వీటు వేయాల్సి వచ్చింది. పాన్ ఇండియా సినిమా తీసే సౌత్ సినీ ప్రముఖులు, తమ సినిమాల్ని నార్త్ బెల్ట్లో ప్రమోట్ చేసుకునేందుకు చాలా కష్టపడుతున్నారు. కానీ, ఆ స్థాయిలో బాలీవుడ్ సినీ ప్రముఖులు దక్షిణాదిలో ప్రమోట్ చేసుకోవడంలేదు. ఇదీ తేడా. సినిమా అంటే దానికి ప్రాంతీయత అంటగట్టడం సబబు కాదు. ఈ రచ్చ కూడా అనవసరం. బాలీవుడ్ సినిమా మాత్రం, సౌత్ నుంచి నేర్చుకోవాల్సింది చాలా వుంది.
224302 682956I genuinely enjoyed your incredible website. Be sure to keep it up. Might god bless you !!!! 322090
534508 704782Excellent post, I believe web site owners really should acquire a good deal from this internet site its really user pleasant. 854485
80635 610013Hi my loved 1! I want to say that this post is amazing, fantastic written and incorporate almost all vital infos. I would like to peer more posts like this . 180285