తన సినిమాల ట్రైలర్స్ తోనే పెద్ద దుమారం రేపుతున్నాడు తమిళ్ సూపర్ స్టార్ విజయ్. విజయ్ హీరోగా నటించిన ప్రతి సినిమా ఫస్ట్ ట్రైలర్ ఓ రేంజ్ లో సంచలనం రేపుతోంది. ఇప్పటికే తేరి, మెర్సల్, సర్కార్ ఇలా ఒకదాన్ని మించి ఒకటి రికార్డులు బద్దలు కొడుతూనే ఉన్నాయి.
ప్రస్తుతం ట్రయిలర్స్ విషయంలో యూ ట్యూబ్ లో విజయే నంబర్ వన్. తాజాగా అయన అట్లీ కుమార్ దర్శకత్వంలో నటిస్తున్న బిగిల్ సినిమా ట్రైలర్ లేటెస్ట్ గా విడుదలై దుమ్ము రేపింది. కేవలం వారం తిరగకముందే 29 మిలియన్ వ్యూస్ సాదించి 2 లక్షల లైక్స్ ని సొంతం చేసుకుంది.
విజయ్ రెండు షేడ్స్ ఉన్న పాత్రల్లో కనిపించనున్నాడు. మరి అది డ్యూయెల్ రోలా కాదా అన్నది తెలియాల్సి ఉంది. ఫుట్ బాల్ కోచ్ గా యంగ్ లుక్ లో ఒక పాత్రయితే .. మాంసం వ్యాపారం చేసే మధ్య వయస్కుడిగా మరో పాత్రలో కనిపించనున్నాడు. ఇందులో హీరోయిన్ గా నయనతార నటిస్తుంది.
ఇప్పటికే విజయ్ – అట్లీ ల కాంబినేషన్ లో వచ్చిన తేరి, మెర్సల్ సినిమాలు సంచలన విజయాలు అందుకున్నాయి. ఇప్పుడు హ్యాట్రిక్ సినిమాగా వస్తున్న బిగిల్ తప్పకుండా సంచలనం రేపుతుందని అంటున్నారు. ఈ చిత్రాన్ని తెలుగులో విజిల్ పేరుతొ విడుదల చేస్తున్నారు.
324565 428711extremely very good goodthis post deserves almost absolutely nothing hahaha merely joking: S nice write-up: P 791226