Nithya Menen: అందం, అభినయంతో చిత్ర పరిశ్రమలోకి అడుగుపెట్టిన కొద్ది రోజులకే పాపులారిటీ సంపాదించుకుంది నిత్యమీనన్( Nithya Menon). నటనతోపాటు తనలో ఉన్న సింగింగ్ టాలెంట్ ని కూడా బయటపెట్టింది. అభినయానికి ప్రాధాన్యం ఉన్న పాత్రలే ఎంచుకున్న నిత్య.. ఇటీవలే ‘భీమ్లా నాయక్’ లో పవర్ స్టార్ పవన్ కళ్యాణ్( Pavan Kalyan) భార్యగా నటించి, మెప్పించింది. తాజాగా ఈమె కాస్టింగ్ కౌచ్ పై సెన్సేషనల్ కామెంట్స్ చేసింది. ఓ తమిళ హీరో తనని వేధించాడని అతడి నుంచి తప్పించుకోవడానికి చాలా కష్టపడినట్లు చెప్పింది. ఇటీవల ఓ ఇంటర్వ్యూలో మాట్లాడుతూ..
‘ కామాంధులు అన్నిచోట్ల ఉంటారు. టాలీవుడ్ లో నేను ఎలాంటి ఇబ్బంది ఎదుర్కోలేదు. నన్ను అక్కడ చాలా గౌరవిస్తారు. కానీ ఓ తమిళ హీరో మాత్రం నన్ను చాలా ఇబ్బంది పెట్టాడు. అసభ్యంగా తాకుతూ పిచ్చిపిచ్చిగా ప్రవర్తించేవాడు. షూటింగ్ సమయంలో చాలా అసౌకర్యానికి గురయ్యేదాన్ని. అతడి నుంచి తప్పించుకోవడానికి చాలా కష్టపడ్డాను. ఇలాంటి వేధింపులు ఉంటే మహిళలు ఏ రంగంలోనూ మనస్ఫూర్తిగా పనిచేయలేరు’ అని కామెంట్స్ చేసింది. అయితే ఆ హీరో పేరు మాత్రం నిత్య బయటకు చెప్పలేదు. ఈమె చేసిన వ్యాఖ్యలు ప్రస్తుతం సోషల్ మీడియాలో వైరల్ అవుతున్నాయి. ఆ హీరో ఎవరో అంటూ నెటిజెన్లు చర్చించుకుంటున్నారు. నిత్య ప్రస్తుతం పలు వెబ్ సిరీస్ లు, సినిమాలతో బిజీగా ఉంది.