నయని పావని.. సోషల్ మీడియా సెన్సేషన్ అనొచ్చా.? నిస్సందేహంగా అనొచ్చు. ఆమె సోషల్ మీడియాలో పోస్ట్ చేసే గ్లామరస్ ఫొటోలు అలాంటివి. బిగ్ బాస్ తెలుగు రియాల్టీ షో ఏడో సీజన్‌లో వైల్డ్ కార్డ్ ఎంట్రీ ఇచ్చింది.. అదీ చిచ్చరపిడుగులా.! ఏం లాభం.? అలా వచ్చింది, ఇలా ఎలిమినేట్ అయిపోయింది.
అదేంటీ, అవసరమైనంతమేర కంటెంట్ నయని పావని ఇవ్వలేకపోయిందా.? ఎందుకు ఇవ్వలేదు.? హౌస్‌లో బాగానే పులిహోర కలిపింది. కంటెస్టెంట్లతో గొడవలూ పెట్టుకుంది. స్ట్రాంగ్‌గానూ కనిపించింది. అదేంటో, ఇలాంటి కంటెస్టెంట్లను సింపుల్‌గా బయటకు పంపేస్తుంటారు బిగ్ బాస్‌లో.!
అసలు బిగ్ హౌస్‌లో వుండేందుకు అర్హతేంటన్నది ఎవరికీ తెలియదు. కంటెంట్ ఇచ్చేవాళ్ళను పీకి పారేస్తారు. కంటెంట్ ఇవ్వగలిగే సత్తా వున్నోళ్ళనేమో డీగ్రేడ్ చేసేస్తుంటారు. బిగ్ బాస్ నిర్వాహకులు.. వాళ్ళకు ఏం నచ్చుతుందో, అదే జనానికీ చూపిస్తారు. బిగ్ బాస్ నిర్వాహకుల్ని మేనేజ్ చేసుకుంటే, ఎక్కువ వారాలు హౌస్‌లో వుండొచ్చు.. అన్న ఇమేజ్ బిల్డప్ అయిపోయింది.
రతిక ఎలిమినేషన్ విషయంలోనూ అదే జరిగింది. శుభశ్రీ కూడా అంతే. దామిని సంగతి సరే సరి.! వాళ్ళని ఏ ప్రాతిపదికన బయటకు పంపేశారో తెలియదు. తిరిగి హౌస్‌లోకి వాళ్ళను తీసుకొచ్చేలా సిల్లీ వ్యవహారాన్ని ఎలా తెరపైకి తెచ్చారో వాళ్ళకీ తెలియదు.
ఇక్కడ, రతిక – నయని.. ఈ ఇద్దరి పరిస్థితీ వేరు. రతిక మల్టీ టాలెంటెడ్. సరిగ్గా వాడుకుంటే, సీజన్ మొత్తం ఎంటర్టైన్మెంట్ ఇవ్వగల కంటెస్టెంట్. నయని కూడా తక్కువేం కాదు. ప్చ్.. నయని పావని ఔట్. ఈ విషయమై బిగ్ బాస్ అభిమానులు గుస్సా అవుతున్నారు.
అన్నట్టు, ‘భగవంత్ కేసరి’ దర్శకుడు అనిల్ రావిపూడి బిగ్ బాస్ వీకెండ్ ఎపిసోడ్‌లో సందడి చేశాడు హోస్ట్ అక్కినేని నాగార్జునతో కలిసి. కానీ, ఏం లాభం.? బిగ్ బాస్ రేంజ్ పడిపోయింది. వ్యూయర్స్ అంతగా కనెక్ట్ అవలేకపోతున్నారు ఈ రియాల్టీ షోతో.!