వివాదంలో గ్యాంగ్ లీడర్ టైటిల్

నాని హీరోగా నటిస్తున్న జెర్సీ ఎల్లుండి విడుదలకు సిద్ధం అయింది. ఈ సినిమా విషయంలో నాని చాలా హ్యాపీగా ఉన్నాడు. తన లైఫ్ లో ఒక సినిమా విషయంలో విడుదలకు ముందే ఇంత సంతృప్తి లభించిన సినిమా ఏది లేదని అంటున్నాడు నాని. గౌతమ్ తిన్ననూరి దర్శకత్వంలో తెరకెక్కిన జెర్సీ ఇప్పుడు టాలీవుడ్ లో కొత్త ప్రకంపనలు క్రియేట్ చేస్తుంది. ఈ సినిమా విషయంలో అటు ట్రేడ్ వర్గాల్లో కూడా భారీ అంచనాలు ఉన్నాయి.

క్రికెట్ నేపథ్యంలో తెరకెక్కిన ఈ సినిమా పై మీడియా లో వస్తున్న పలు వార్తలపై స్పందించాడు నాని. ఈ సందర్బంగా మీడియాకు ఇచ్చిన ఇంటర్వ్యూ లో నాని స్పందిస్తూ ఈ సినిమా రమణ్ లంబా బయోపిక్ అంటూ వస్తున్న వార్తల్లో ఎలాంటి నిజం లేదని చెప్పాడు.

ఇది కేవలం ఓ కల్పిత కథ అని, పూర్తిగా డైరెక్టర్ సినిమా అని అన్నాడు. తాను కూడా చిన్నప్పుడు గల్లీ లో క్రికెట్ ఆడేవాణ్ణి , అయితే తాను ఎప్పుడు లాస్ట్ ప్లేయర్ గా ఉండేవాడిని, అంటే అందరు అవుట్ అయ్యాక మిగిలిన బ్యాట్స్ మెన్ లా, ఈ సినిమా విషయంలో క్రికెట్ కూడా నేర్చుకున్నాను. ఈ సినిమాకు ముందు క్రికెట్ వస్తే ఛానెల్ మార్చే వాడిని కానీ ఇప్పుడు క్రికెట్ అంటే ఆసక్తి పెరిగింది అని చెప్పాడు.

తాజాగా నాని నటిస్తున్న మరో సినిమా గ్యాంగ్ లీడర్. ఈ సినిమా టైటిల్ విషయంలో ఇప్పటికే వివాదం కొనసాగుతుంది. ఈ విషయంలో నాని స్పందిస్తూ గ్యాంగ్ లీడర్ అన్న టైటిల్ మా సినిమాకు హండ్రెడ్ పర్సెంట్ యాప్ట్. ఈ సినిమా చూసాక మీరే అంటారు ఈ సినిమాకు ఈ టైటిల్ తప్ప మరొకటి సెట్ కాదని, అయితే టైటిల్ పై వివాదం ఉందన్న విషయం గురించి నేను వినలేదు. మరి ఇప్పటికే వేరే సినిమా వాళ్ళు గ్యాంగ్ లీడర్ టైటిల్ పెట్టి సినిమా తీస్తున్నారని అంటున్నారు. కానీ ఈ విషయంలో ఎవరు ఇప్పటి వరకు మాదాక రాలేదని చెప్పాడు. మరి టైటిల్ విషయంలో అవతలి పార్టీ స్ట్రాంగ్ గా ఉందా లేదంటే .. వాళ్ళు టైటిల్ మారుస్తారా అన్న విషయం పై క్లారిటీ రావాల్సి ఉంది. విక్రమ్ కె కుమార్ దర్శకత్వంలో మైత్రి మూవీస్ నిర్మిస్తున్న ఈ సినిమా షూటింగ్ ప్రస్తుతం హైదరాబాద్ లో జరుగుతుంది.