యాక్టింగ్ నేర్పాలంటే డ్రస్ తీసేయమన్నాడు ?

నీకు యాక్టింగ్ నేర్పించాలంటే నీ డ్రెస్ తీసేయమని చెప్పాడంటూ ఓ యువతి పెద్ద దుమారం రేపింది ఈ విషయంలో ఓ యాక్టింగ్ స్కూల్ డైరెక్టర్ పై కేసు పెట్టింది. ప్రస్తుతం సంచలనంగా మారిన ఈ వ్యవహారం పై ఆరా తీసేందుకు పోలీసులు రంగంలోకి దిగారు. ఆ వివరాల్లోకి వెళితే హైదరాబాద్ లోని హిమాయత్ నగర్ లో సూత్రదార్ అనే ఓ యాక్టింగ్ స్కూల్ ఉంది. ఆ స్కూల్ డైరెక్టర్ కం ట్యూటర్ గా వినయ్ వర్మ వ్యవహరిస్తున్నాడు. తాజాగా వినయ్ వర్మ పై ఆ యాక్టింగ్ స్కూల్ విద్యార్థిని అయిన అంచిత కౌర్ లైంగిక వేధింపుల కేసు వేసింది. నటన నేర్పే నెపంతో అయన అమ్మాయిల డ్రెస్ లను తొలగించమనేవాడు అంటూ మీడియా ముందు ఆగ్రహం వ్యక్తం చేసింది.

ఈ విషయం గురించి అంచిత స్పందిస్తూ కొన్ని రోజుల క్రితం నేను నాతొ పాటు మరికొంత మంది యాక్టింగ్ నేర్చుకునేందుకు ఇక్కడ చేరాం. వినయ్ వర్మ క్లాస్ చెప్పడానికి వచ్చేవాడు. కొద్ది సమయం తరువాత క్లాస్ లో డోర్స్, కిటికీలు అన్ని క్లోజ్ చేయాలనీ చెప్పేవాడు. ఆ తరువాత ఒక్కొక్కరు డ్రెస్ తీయాలని సూచించాడు. అప్పుడు ఏం జరుగుతుందో నాకు అర్థం కాలేదు. అయితే నేను డ్రెస్ తీసేందుకు నిరాకరించడంతో బయటకు వెళ్ళిపో అంటూ నాపై గట్టిగా అరిచాడు. నేను అక్కడ ఉండగానే ఒక అమ్మాయి డ్రెస్ తీసింది. ఆ తరువాత నేను వెంటనే షీ టీమ్స్ కు పిర్యాదు చేశాను అని తెలిపింది. షీ టీమ్ వారి సలహాతో నేను నారాయణగూడ పోలీసులకు పిర్యాదు చేశాను అని చెప్పింది. అయితే పోలీసులు కూడా ఈ విషయం గురించి పెద్దగా పట్టించుకోలేదు. పైగా అక్కడ ఇబ్బందులు ఎదుర్కొన్నాను అంటూ తెలిపింది.

ఈ విషయం పై అటు విజయ్ వర్మ కూడా స్పందించి ఆ అమ్మాయిని యాక్టింగ్ స్కూల్ లో బట్టలు తీయమన్నది నిజమే  అయితే నేను పై దుస్తులు మాత్రమే తీయమని చెప్పాను తప్ప లో దుస్తులు కాదు. ఇదే విషయాన్నీ నేను పోలీసులకు తెలిపాను. ఆమెకు యాక్టింగ్ రాదు. అందుకే నాపై ఇలా అబద్దాలు చెప్పింది, నేను గత ఇరవై ఏళ్లుగా నటనలో శిక్షణ ఇస్తున్నాను. ఎప్పుడు లేనిది ఈ అమ్మాయి కావాలనే వివాదం రేపుతోంది అంటూ బదులిచ్చాడు. మొత్తానికి ఈ వ్యవహారంలో విజయ్ వర్మపై కేసు నమోదు చేసినట్టు తెలిసింది. ఈ మధ్య ఆడవాళ్లపై లైంగిక వేధింపుల వ్యవహారం ఇప్పటికే పెద్ద దుమారం రేపుతోంది. అలాంటి సందర్బంగా ఇలాంటి వ్యవహారాలు అప్పుడప్పుడు బయటకు వస్తుంటాయి. అయినా యాక్టింగ్ నేర్పాలంటే బట్టలు ఎందుకు తీయాలో నాకు అర్థం కాదని చెప్పింది అంచిత !!