బంగార్రాజు మనవడిగా .. చైతు ?

టాలీవుడ్ మన్మధుడు అక్కినేని నాగార్జున ఈ మధ్య వరుసగా తన సినిమాలకు సీక్వెల్స్ చేసే పనిలో బిజీ అయ్యాడు. ఇప్పటికే అయన నటించిన సూపర్ హిట్ ”మన్మధుడు” చిత్రానికి సీక్వెల్ గా ”మన్మధుడు 2” చేస్తున్న విషయం తెలిసిందే. ఇటీవలే పూజ కార్యక్రమాలు కూడా మొదలయ్యాయి.

నటుడు, దర్శకుడు రాహుల్ రవీంద్ర తెరకెక్కించే ఈ సినిమా పోర్చుగల్ లో రెగ్యులర్ షూటింగ్ ఈ నెలలో మొదలు కానుంది. దాంతో పాటు అయన నటించిన మరో సూపర్ హిట్ ”సోగ్గాడే చిన్నినాయనా” చిత్రానికి సీక్వెల్ చేస్తున్నాడు. ”బంగార్రాజు” పేరుతొ తెరకెక్కే ఈ సినిమాకు కళ్యాణ్ కృష్ణ దర్శకత్వం వహించనున్నాడు.

అలాగే నాగార్జున ఈ మద్యే నటించిన ”రాజుగారి గది 2” సినిమాకు సీక్వెల్ గా ”రాజుగారి గది 3” కి ఓకే చెప్పాడట. మొత్తానికి ఒకే సమయంలో ఏకంగా మూడు సీక్వెల్స్ కి నాగ్ గ్రీన్ సిగ్నల్ ఇవ్వడం ఆసక్తి కలిగిస్తుంది. ఇదిలా ఉంటె ”సోగ్గాడే చిన్ని నాయనా ” లో బంగార్రాజు గా రొమాంటిక్ హీరోగా నటించిన నాగ్ కు ఆ పాత్ర బాగా నచ్చడంతో బంగార్రాజు పాత్ర నేపథ్యంలో అదే టైటిల్ తో సినిమా తెరకెక్కనుంది.

ఇప్పటికే దర్శకుడు కళ్యాణ్ కృష్ణ నాగ్ కు స్క్రిప్ట్ కూడా వినిపించాడట, అయితే అందులో చిన్న చిన్న మార్పులు చేయమని నాగ్ సలహా ఇవ్వడంతో అదే పనిలో ఉన్న దర్శకుడు మరో వైపు ప్రీ ప్రొడక్షన్ పనులు మొదలు పెట్టినట్టు తెలుస్తోంది ? పైగా ఈ సినిమాలో బంగార్రాజు మనవడి పాత్రలో నాగ చైతన్య నటిస్తాడట ? మరి నాగార్జున తనయుడు ఆయనకు మనవడిగా నటిస్తే ఎలా ఉంటుందో చూడాలన్న ఆసక్తి అక్కినేని ఫాన్స్ లో ఉంది. సో త్వరలోనే ఈ సినిమాకు సంబంధించి అధికారిక ప్రకటన రానుంది.