‘‘పరీక్షల నిర్వహణకు ఇంకా సమయం వుంది. ఈలోగా పరిస్థితులు అదుపులోకి రావొచ్చు. విద్యా సంవత్సరం పూర్తయ్యింది.. విద్యార్థులు నష్టపోకూడదనే పరీక్షల నిర్వహణ..’’ అంటూ పాడిందే పాటరా.. అన్నట్టు ఒకటే పాట పాడుతున్నారు అధికార పార్టీ పెద్దలు, ప్రభుత్వ పెద్దలు. ఇంకోపక్క, రాష్ట్రంలో పెరుగుతున్న కరోనా తీవ్రత నేపథ్యంలో ‘మినీ లాక్ డౌన్’ దిశగా అడుగులు పడుతున్నాయి. దాదాపుగా ప్రతిరోజూ 10 వేల పైన కరోనా పాజిటివ్ కేసులు నమోదవుతున్న దరిమిలా, ప్రజల్లో భయాందోళనలు పెరుగుతున్నాయి. ఆసుపత్రులు కిటకిటలాడుతున్నాయి.
వైద్యం అందక పలువురు ప్రాణాలు కోల్పోతున్నారు. ‘అబ్బే, అంతా బావుంది.. పరిస్థితి అదుపులోనే వుంది..’ అని ప్రభుత్వం చెబుతున్నా, వాస్తవ పరిస్థితులు అందుకు భిన్నంగా వున్నాయి. ‘వీకెండ్ మార్కెట్లలో జనం పోగవుతున్న తీరు చూస్తే, ఎవరికన్నా కరోనా పట్ల భయం వుందా.?’ అని ప్రశ్నిస్తూ, పరీక్షల విషయమై ఎందుకంత అత్యుత్సాహం.. అనే ప్రశ్న విపక్షాలవైపుకు విసురుతున్నారు అధికార పార్టీకి చెందిన నేతలు. కానీ, విద్యార్థుల మనోగతం ఇంకోలా వుంది. ఇది ప్రత్యేక పరిస్థితి.
ఇలాంటి గందరగోళ పరిస్థితుల్లో పరీక్షల కోసం ప్రిపేర్ అవలేకపోతున్నామన్నది విద్యార్థుల ఆవేదన. 90 శాతం మందికి పైగా విద్యార్థులు పరీక్షల విషయమై అయిష్టత ప్రదర్శిస్తున్నారు. పెళ్ళిళ్ళకు 50 మంది మాత్రమే హాజరవ్వాలి.. అంత్యక్రియలకు 20 మంది మాత్రమే హాజరవ్వాలంటూ ఆంక్షలు ఓ వైపు విధిస్తూ, పరీక్షలు మాత్రం నిర్వహించి తీరతామని ప్రభుత్వం చెప్పడాన్ని విద్యార్థులు జీర్ణించుకోలేకపోతున్నారు.
దేశంలో చాలా రాష్ట్రాలు పదో తరగతి పరీక్షలు రద్దు చేసిన దరిమిలా, అదే బాటలో ఏపీ కూడా ముందడుగు వేస్తే, విద్యార్థులకెలా నష్టం జరుగుతుందన్నది విద్యార్థుల ప్రశ్న. పరీక్షలకు ఇంకో నెల సమయం వుంది గనుక, ఇప్పుడే రద్దు నిర్ణయం ఎందుకన్నది ప్రభుత్వ పెద్దల ఆలోచన కావొచ్చు. లేదంటే, విపక్షాలు డిమాండ్ చేస్తున్నాయి గనుక, అస్సలేమాత్రం ఆ డిమాండుకి లొంగకుండా, విద్యార్థుల జీవితాల్ని పణంగా పెట్టాలన్న మొండితనం ప్రభుత్వ పెద్దలకు వుండొచ్చు.. విద్యార్థుల జీవితాలతో చెలగాటమాడటం అస్సలేమాత్రం సబబు కాదు.. అన్నది రాజకీయ పరిశీలకుల వాదన.
191227 716475This web-site can be a walk-through rather than the information you wished about it and didnt know who need to. Glimpse here, and youll undoubtedly discover it. 709606
877098 575428The Twitter application page will open. This really is great if youve got a few thousand followers, but as you get a lot more and much more the usefulness of this tool is downgraded. 424326