వంశీ పైడిపల్లి దర్శకత్వంలో మహేష్‌బాబు హీరోగా రూపొందిన ‘మహర్షి’ ఇటీవల విడుదలై మంచి విజయాన్ని అందుకున్న సంగతి తెల్సిందే. ఈ సినిమాకి సంబంధించి విడుదలకు ముందు చాలా ‘నెగెటివ్‌ ప్రచారం’ జరిగింది. అయితే, దాన్ని చిత్ర యూనిట్‌ సమర్థవంతంగా ఎదుర్కొనేందుకు ప్రయత్నించింది. సాధారణంగా మహేష్‌ సినిమాలకి ఈ స్థాయి నెగెటివిటీ రావడం ఆశ్చర్యకరమే. ఎందుకంటే మహేష్‌, ఇండస్ట్రీలో పెద్దగా వివాదాల్లేని వ్యక్తి. వంశీ పైడిపల్లి కూడా అంతే. నిర్మాతలు దిల్‌ రాజు, అశ్వనీదత్‌, పివీపీ.. ఇలా ఎవరి విషయంలోనూ ‘వ్యతిరేకత’ పెద్దగా కన్పించదు. కారణాలేవైతేనేం, నెగెటివిటీని తట్టుకుని ‘మహర్షి’ అద్భుత విజయాన్ని అందుకుంది.
సినిమా విజయానికి ఉప్పొంగిపోతూ, మహేష్‌ కాలర్‌ ఎగరేయడమంటే చిన్న విషయం కాదు. అలా మహేష్‌ వ్యవహరించాడంటే, సినిమాకి అంతకు ముందు వచ్చిన వ్యతిరేకత, అందులోంచి దక్కిన విజయం తాలూకు ‘గర్వం’ అది. దాన్ని గర్వం అనడం కన్నా, ‘టెన్షన్‌ నుంచి రిలీఫ్‌’ అవడం అనడం కరెక్టేమో. ఇప్పుడిదంతా ఎందుకంటే, ఇంకోసారి మహేష్‌ – వంశీ పైడిపల్లి కాంబినేషన్‌ రిపీట్‌ అవబోతోందట.
‘మహర్షి’ సినిమాని వంశీ చెక్కీ చెక్కీ చెడగొట్టాడని ప్రీ రిలీజ్‌ విన్పించిన వదంతుల సంగతెలా వున్నా, వంశీని మహేష్‌ పూర్తిగా నమ్మాడు. ఆ నమ్మకం ఏ స్థాయిలో వుందంటే, ‘ఇంకో సినిమా మనం చేస్తున్నాం’ అని అప్పుడే వంశీకి మహేష్‌ హామీ ఇచ్చేంతలా. అత్యంత విశ్వసనీయ వర్గాల సమాచారం ప్రకారం వంశీ, మహేష్‌తో చేయబోయే సినిమాకి నిర్మాత ఇంకెవరో కాదు, మహేష్‌బాబేనట. అతి త్వరలోనే మహేష్‌, వంశీ పైడిపల్లి దర్శకత్వంలో చేయబోయే కొత్త సినిమా గురించి అనౌన్స్‌మెంట్‌ ఇవ్వవచ్చునని తెలుస్తోంది.
ప్రస్తుతం మహేష్‌బాబు, అనిల్‌ రావిపూడితో ఓ సినిమాకి కమిట్‌ అయ్యాడు. ఆ సినిమా స్క్రిప్ట్‌ దశలో వుంది. ఆ తర్వాత మహేష్‌, త్రివిక్రమ్‌తో ఓ సినిమా చేస్తాడనే ప్రచారం జరుగుతోంది. సుకుమార్‌తోనూ మహేష్‌ ఓ సినిమా చేసే అవకాశాలున్నాయి. మరి, మహేష్‌ – వంశీ పైడిపల్లికి ఎప్పుడు టైమ్‌ కేటాయించగలడు? అంటే, మహేష్‌ కోసం వంశీ పైడిపల్లి ఎంత కాలమైనా ఎదురుచూస్తాడని ‘మహర్షి’తోనే ప్రూవ్‌ అయ్యింది కదా!
728648 757693I surely did not realize that. Learnt some thing new these days! Thanks for that. 57990