బుమ్రా తో ప్రేమాయణం ఉన్నట్టేనా ?

ప్రేమమ్ భామ అనుపమ పరమేశ్వరన్ కు ఈ మధ్య పెద్దగా అవకాశాలు లేవు, రామ్ తో చేసిన హాలోగురు ప్రేమకోసమే సినిమా ప్లాప్ తరువాత బెల్లంకొండ శ్రీనివాస్ తో కలిసి రాక్షసుడు అనే రీమేక్ సినిమా చేస్తుంది. దాదాపు చాలా గ్యాప్ వచ్చింది. ఇప్పటికే రెండు స్క్రిప్ట్స్ తెలుగులో ఓకే అయ్యాయని చెబుతున్న అనుపమ ఈ సినిమా ప్రమోషన్ సందర్బంగా మీడియాతో మాట్లాడింది.

ఈ సందర్బంగా అనుపమ ఆసక్తికర విషయాలు వెల్లడించింది. అయితే క్రికెటర్ బుమ్రా తో ప్రేమాయణం సాగిస్తున్నట్టు వార్తలు వస్తున్నాయి కదా .. దీని గురించి మీరేమంటారు అని అడిగితే .. నో కామెంట్స్ అంటూ నవ్వేసింది !! .. కనీసం అతగాడితో పరిచయం అయినా ఉందా అంటే .. దానికి నో కామెంట్స్ చెప్పడం చూస్తుంటే అనుపమ – బుమ్రాల మధ్య ఎదో ఉన్నదన్న వార్తలకు బలం చేకూరిందని మీడియా వర్గాల్లో గుసగుసలు వినిపిస్తున్నాయి. అయినా నిప్పు లేనిదే పొగ రాదుగా అంటున్నారు కొందరు.

ఈ సందర్బంగా అనుపమ పలు ఆసక్తికర విషయాలు తెలిపింది .. నాకు ఇది రెండో రీమేక్. ప్రేమమ్ తరువాత ఇదే. త‌మిళంలో సూప‌ర్‌డూప‌ర్‌హిట్ అయిన రాక్ష‌స‌న్ చిత్రాన్ని తెలుగులో రాక్షసుడుగా వస్తుంది. ఇదొక క్రైమ్ ఇన్వెస్టిగేటివ్ థ్రిల్ల‌ర్‌. చాలా ఆసక్తికరంగా ఉంటుంది. నేను మొదటి సారి టీచర్ పాత్ర పోషిస్తున్నాను. ఇందులో సినిమా మొత్తం సారీలోనే కనిపిస్తా. కథలో తక్కువ స్పేస్ ఉన్నప్పటికీ పాత్రకు చాలా ప్రాముఖ్యత ఉంటుంది.

ఈ మధ్య గ్యాప్ రావడానికి కారణం సరైనా స్క్రిప్ట్ రాకపోవడమే .. హలొ గురూ ప్రేమకోసమే తరువాత ఈ సినిమా వచ్చింది. మధ్యలో చాలా కథలు విన్నాను కానీ ఏది నచ్చలేదు. ఆ మధ్యలో ఓ మలయాళ సినిమా కూడా చేసాను. ఆ మలయాళ సినిమాకు అసిస్టెంట్ దర్శకురాలిగా కూడా పనిచేశా .. దానికి కారణం. హీరోయిన్ గా ఉంటె సెట్స్ లో వాళ్ళు పడుతున్న కష్టాలు తెలియదు. పైగా సినిమా గురించి అవగాహనా పెంచుకోవాలన్న ఆలోచనతో ‘ ఏడి’ గా చేరాను . దర్శకత్వం చేయాలన్నా ఆలోచన ఉంది .. కానీ అది ఇప్పుడే కాదు .. దానికి ఇంకా టైం ఉంది. రా టైపు కథలను .. అంటే రియాల్టిటి గా ఉండే కథలను చెప్పాలని ఉంది అంటూ చాలా విషయాలు పంచుకుంది అనుపమ !