టాలీవుడ్‌ లో ఎంతో మంది కమర్షియల్‌ దర్శకులు ఉన్నారు. కాని విలక్షణ దర్శకులు.. ట్రెండ్‌ సెట్టర్‌ దర్శకులు మాత్రం అతి కొద్ది మంది ఉన్నారు. వారు తీసిన సినిమాలు తెలుగు సినిమా ఉన్నంత కాలం ఉంటాయి అనడంలో ఎలాంటి సందేహం లేదు. అలాంటి విలక్షణ దర్శకుల్లో క్రిష్ ఒకరు. ఆయన తీసిన ప్రతి సినిమా కమర్షియల్‌ గా బిగ్గెస్ట్‌ హిట్‌ కాకున్నా కూడా విమర్శకుల ప్రశంసలు దక్కించుకున్న సినిమాగా నిలిచింది. కమర్షియల్‌ సినిమాలే చేయాలనే పంథా నుండి బయటకు వచ్చి సినిమాలు చేసే దర్శకుడు క్రిష్ దర్శకులకు ఉన్న ఒక కంచెను దాటేశాడు.
టాలీవుడ్‌ దర్శకులు ఇతర భాషల్లో రాణించడం చాలా అరుదు అన్నట్లుగా ఉన్న కంచెను క్రిష్ దాటేశాడు. బాలీవుడ్‌ లో వరుసగా సినిమాలు తెరకెక్కించి తనకంటూ ఒక ప్రత్యేకమైన స్థానంను హిందీ ప్రేక్షకుల్లో ఏర్పర్చుకున్న దర్శకుడు క్రిష్. ఈయన చేస్తున్న ప్రతి సినిమా కూడా ఇక్కడ అక్కడ అనే తేడా లేకుండా అన్ని చోట్ల ఆసక్తిని రేకెత్తిస్తూ ఉంటుంది. విలక్షణ సినిమాలను ఆధరించే ప్రేక్షకులు ఎప్పుడు కూడా క్రిష్ సినిమాలనే కోరుకుంటారు అనడంలో సందేహం లేదు. మొదటి సినిమా గమ్యం నుండి మొదలుకుని గత ఏడాది వచ్చిన ఎన్టీఆర్ కథానాయకుడు, మహానాయకుడు సినిమాల వరకు ఆయన జర్నీ చూస్తే దర్శకుడు అంటే వీడురా అన్నట్లుగా సాగింది.
ఆయన అన్ని జోనర్‌ లను టచ్ చేస్తూ ఒక్క ఇమేజ్‌ చట్రంలో ఇరుక్కు పోకుండా సినిమాలు చేస్తున్నాడు. కమర్షియల్‌ హిట్‌ దక్కన్నంత మాత్రాన పంథా మార్చుకుంటాను అన్నట్లుగా కాకుండా నా సినిమాలు చూసేది కొందరే అయినా వారికి పూర్తి న్యాయం చేస్తాను అన్నట్లుగా క్రిష్ సినిమాలు చేస్తున్నాడు. వేదం వంటి విలువలతో కూడిన సినిమాను చేసిన ఆయన ప్రతిభను ఎంతగా అభినందించినా తక్కువే. కంచె సినిమాతో ఒక యుద్దంనే కళ్ల ముందు ఆవిష్కరించాడు. గౌతమిపుత్ర శాతకర్ణి సినిమాతో మరో సారి తెలుగు ప్రేక్షకులకు పౌరాణిక సినిమా మాధుర్యంను చూపించాడు.
తక్కువ సమయంలో భారీ సినిమాలను చేయడం క్రిష్ కే సాధ్యం. యుద్దం నేపథ్యంలో సాగే కంచె మరియు పౌరాణిక సినిమా అయిన గౌతమిపుత్ర శాతకర్ణి సినిమాలను ఆయన తక్కువ సమయంలోనే పూర్తి చేసి ఎంతో మందికి ఆదర్శంగా నిలిచాడు. కెరీర్‌ ఆరంభంలో మెల్లగా సినిమాలు చేసిన క్రిష్ ఇప్పుడు వరుసగా సినిమాలు చేయాలని భావిస్తున్నాడు.
గత ఏడాది పవన్‌ కళ్యాణ్‌ హీరోగా ఒక సినిమాను చేసే అవకాశం దక్కించుకున్నాడు క్రిష్. కరోనా కారణంగా పవన్‌ తో మూవీ ఆలస్యం అయ్యింది. ఈ గ్యాప్‌ లో పవన్‌ మేనల్లుడు వైష్ణవ్‌ తేజ్‌ హీరోగా ఒక సినిమాను చేశాడు. వచ్చే నెల నుండి పవన్‌ కళ్యాణ్‌ సినిమాను మొదలు పెట్టబోతున్నాడు.
మెఘలాయిల కాలం నాటి కథతో ఈ సినిమాను క్రిష్ తెరకెక్కించబోతున్నాడు. ఖచ్చితంగా ఈ సినిమాతో అంచనాలు భారీగా ఉన్నాయి. పవన్‌ తో సినిమాను చేసేందుకు రెడీ అవుతున్న క్రిష్ పుట్టిన రోజు నేడు. ఈ సందర్బంగా ఆయనకు మా తరపున ఆయన అభిమానుల తరపున హృదయ పూర్వక పుట్టిన రోజు శుభాకాంక్షలు తెలియజేస్తున్నాం. క్రిష్ విలక్షణ సినిమాలు.. టాలీవుడ్‌ లో నిలిచి పోయే సినిమాలు మరిన్ని చేయాలని హృదయపూర్వకంగా కోరుకుంటూ హ్యపీ బర్త్‌ డే డైరెక్టర్‌ సర్‌.
528008 891949Hey there. I want to to ask a little somethingis this a wordpress internet log as we are planning to be transferring more than to WP. Additionally did you make this template all by yourself? Numerous thanks. 957521
124827 126473Jane wanted to know though your girl could certain, the cost I simply informed her she had to hang about until the young woman seemed to be to old enough. But the truth is, in which does not get your girlfriend to counteract employing picking out her extremely own incorrect body art terribly your lady are usually like me. Citty style 882038
526305 919138But a smiling visitant here to share the really like (:, btw great style and style . 58981