పార్టీలో నెలకొన్న పరిస్థితికి, వరుసగా బయటకు వస్తున్న అసంతృప్తులకు టీఆర్ఎస్ అధినేత ఫుల్ క్లారిటీ ఇచ్చేశారు. శాసనసభ వేదికగా దాదాపు మూడు గంటలపాటు సాగిన మారథాన్ ప్రసంగంలో పలు అంశాలపై స్పష్టత ఇచ్చారు. అంత్య ప్రాసలు, అలంకారాలతో తనపై తానే జోకులతో ప్రస్తుతం చెలరేగిన ఊహాగానాలకు జవాబిచ్చారు. మరో పదేళ్లు తానే సీఎంగా ఉంటానని, ఈ విషయంలో ఎవరికీ ఎలాంటి సందేహాలూ అవసరం లేదని స్పష్టంచేశారు.
కేసీఆర్ దిగిపోయి కేటీఆర్ ను ఎక్కించే ఆలోచన తనకు లేదని చెప్పారు. కేబినెట్ విస్తరణ తర్వాత పార్టీలో లుకలుకలు బయలుదేరిన సంగతి తెలిసిందే. గులాబీ పార్టీలో ఏదో జరుగుతోందనే సంకేతాలు ప్రజల్లోకి బలంగా వెళ్లాయి. దీంతో అప్రమత్తమైన గులాబీ దళపతి నేరుగా రంగంలోకి దిగి వ్యూహాత్మకంగా అన్ని అంశాలకూ జవాబిచ్చారు. తద్వారా పార్టీలో మరింత అసంతృప్తి ప్రబలకుండా జాగ్రత్తలు తీసుకున్నారు.
Also Read: చంద్రబాబుకీ, కేసీఆర్కీ ఎక్కడ చెడిందంటే..
అసెంబ్లీకి ముందస్తు ఎన్నికలకు వెళ్లిన కేసీఆర్.. ఆ ఎన్నికల్లో ఘన విజయం సాధించిన సంగతి తెలిసిందే. అనంతరం దేశ రాజకీయాలపై దృష్టి పెట్టిన ఆయన.. తెలంగాణలో 16 సీట్లనూ గెలుచుకుని కేంద్రంలో చక్రం తిప్పుదామని భావించారు. కేంద్రంలో ఎలాగూ హంగ్ వస్తుందని, అప్పుడు మనమే కీలకం అవుతామని అనుకున్నారు. కుమారుడు కేటీఆర్ కి పాలనా పగ్గాలు అప్పగించి దేశ రాజకీయాల్లో కీలక పాత్ర పోషించాలని యోచించారు. కానీ పరిస్థితి తేడా కొట్టి 9 సీట్లకే పరిమితమయ్యారు.
దేశంలో ఎన్డీఏకి తిరుగులేని మెజార్టీ రావడంతో ఆయన ఆలోచనలు ఫలించలేదు. అయినప్పటికీ, త్వరలో కేటీఆర్ ని సీఎం చేస్తారనే ఊహాగానాలు బలంగా సాగాయి. ఇది పార్టీలో చాలామంది సీనియర్లకు రుచించలేదు. అదే సమయంలో హరీశ్ రావును పక్కనపెట్టడం కూడా నచ్చలేదు. ఈ పరిణామాలన్నీ కొంతమంది నేతల్లో గూడు కట్టుకుని ఉండిపోయాయి. మరోవైపు కేటీఆర్ సైతం పార్టీలో తన టీంను తయారు చేసుకునే పనిలో నిమగ్నమైపోయారు. సీనియర్లను కాస్త దూరం పెట్టి, తనకు కావాల్సినవారినే దగ్గరకు తీయడం పార్టీలో అంతర్గత విభేదాలకు దారి తీసింది.
ఇదే తరుణంలో కేబినెట్ విస్తరణకు సంబంధించి మంత్రి ఈటల రాజేందర్ ఎపిసోడ్ మరింత ఆజ్యం పోసింది. మరోవైపు వీటిని తమకు అనుకూలంగా మలుచుకుని టీఆర్ఎస్ ను నిర్వీర్యం చేయాలని బీజేపీ ప్రయత్నాలు ప్రారంభించింది. ఈ పరిణామాలన్నింటి నేపథ్యంలో పార్టీలో రేగిన అసంతృప్తిని చల్లార్చేందుకు, ఇతర నేతలు ఎవరూ ప్రలోభాలకు గురి కాకుండా ఉండేందుకు కేసీఆర్ వ్యూహాత్మకంగా శాసనసభనే వేదికగా చేసుకుని అన్ని అంశఆలపై స్పష్టత ఇచ్చారని అంటున్నారు.
359164 809300Greetings! Quick question thats completely off topic. Do you know how to make your web site mobile friendly? My weblog looks weird when viewing from my iphone. Im trying to find a template or plugin that may be able to fix this difficulty. In case you have any recommendations, please share. Appreciate it! 477019