వచ్చిన ప్రతి అవకాశాన్నీ దుర్వినియోగం చేసుకుంటున్నారు జనసేన అధినేత పవన్ కళ్యాణ్. గ్రేటర్ హైద్రాబాద్ ఎన్నికల్లో మిత్రపక్షం బీజేపీపై ఒత్తడి తెచ్చి అయినా, కొన్ని సీట్లలో పోటీచేసి వుండాల్సింది. తిరుపతి లోక్ సభ నియోజకవర్గానికి జరిగిన ఉప ఎన్నికలో, బీజేపీని కాదని తమ అభ్యర్థిని నిలబెట్టి వుండాల్సింది. కానీ, అలా జరగలేదు. అందుకే, ఇవి అతి ఖరీదైన తప్పిదాలుగా మారిపోయాయి జనసేన పార్టీకి.
’2024 ఎన్నికలకు సంబంధించి ఇదొ మనకొక ట్రయల్ వెర్షన్’ అని జనసేన నేత నాదెండ్ల మనోహర్, తిరుపతి ఉప ఎన్నిక నేపథ్యంలో చెప్పారుగానీ, బీజేపీతో దోస్తీ జనసేనను దెబ్బతీస్తుందని జనసైనికులు వాపోతూనే వస్తున్నారు. అదే జరిగింది. జనసేన అభ్యర్తి గనుక తిరుపతిలో పోటీ చేసి వుంటే, గెలుపోటముల సంగతెలా వున్నా, చెప్పుకోదగ్గ స్థాయిలో ఓట్లు వచ్చేవి. కానీ, బీజేపీ అహంకారానికి జనసేన తలొగ్గడం, జనసైనికుల్ని తీవ్ర ఆవేదనకు గురిచేసింది. దాంతో, చాలామంది జనసైనికులు ‘ఓటింగ్’కి దూరంగా వున్నారు.
‘ప్రత్యేక హోదా ఇచ్చేది లేదంటున్న బీజేపీకి ఓటెలా వేస్తాం.? విశాఖ ఉక్కుని అమ్మేస్తామంటున్న బీజేపీని మిత్రపక్షంగా ఎలా చూస్తాం.? రాష్ట్రానికి సంబంధించి ఏది అడిగినా, ఇచ్చేది లేదంటున్న బీజేపీతో స్నేహమేంటి.? అమరావతి విషయంలోనూ జనసేనతో బీజేపీ అధిష్టానం కలిసి రానప్పుడు, బీజేపీతో కలిసి ముందడుగు వేయడమెలా సాధ్యం.?’ అంటూ జనసైనికులు సోషల్ మీడియా వేదికగా తీవ్ర అసహనం వ్యక్తం చేస్తూనే వున్నారు. ఆ ఎఫెక్ట్ తిరుపతి ఉప ఎన్నికపై గట్టిగానే పడింది. కొందరు పవన్ అభిమానులు, నోటాకి ఓటేశారంటే.. బీజేపీ పట్ల వారికున్న వ్యతిరేకత ఏంటో అర్థమవుతోంది. కొన్ని ఓట్లు టీడీపీ వైపు, మరికొన్ని ఓట్లు వైసీపీ వైపుకు కూడా వెళ్ళాయట జనసేన నుంచి.
జనసేన గనుక బరిలో దిగి వుంటే, లక్షకు తక్కువ కాకుండా ఓట్లు వచ్చి వుండేవన్నది ఇప్పుడు తిరుపతి జనసేన వర్గాల్లో జరుగుతున్న చర్చ. అందులో వాస్తవమెంత.? అన్న విషయాన్ని పక్కన పెడితే, బీజేపీ కారణంగా జనసేన తీవ్రంగా నష్టపోయిందన్నదాంట్లో మాత్రం ఎవరికీ ఎలాంటి సందేహాల్లేవు. ఇదే సరైన సమయం.. బీజేపీతో జనసేన తెగతెంపులు చేసుకోడానికి. మరి, జనసేనాని మనసులో ఏముందో.?
585477 634915obviously like your website but you have to take a look at the spelling on quite a few of your posts. 499147
798014 793405i would need to make far more christmas cards becuase next month is december already- 960610