సాధారణంగా ఎవరినైనా నీ గుండె ఎక్కడుంది అని అడిగితే.. ఎడమవైపు అని చెబుతారు. కానీ ఉత్తరప్రదేశ్ లోని ఖుషీనగర్ కు చెందిన జమాలుద్దీన్ మాత్రం కుడి వైపు ఉందని సమాధానమిస్తాడు. అతడికి గుండె ఎటు వైపు ఉంటుందో తెలియక కాదు.. జమాలుద్దీన్ గుండె నిజంగానే కుడి వైపున ఉంది. నిజంగా ఆశ్చర్యపరిచే విషయం కదూ?
గుండె ఒక్కటే కాదు.. కాలేయం, పిత్తాశయం సైతం ఉండాల్సిన స్థానంలో కాకుండా వ్యతిరేక స్థానంలో ఉన్నాయి. ఇలా ఒక మనిషి కీలక అవయవాలు వ్యతిరేక దిశలో ఉండటం అత్యంత అరుదైన అంశమని వైద్యులు చెబుతున్నారు. అవయవాలు ఇలా వ్యతిరేక స్థానాల్లో ఉన్నాయనే సంగతి వారికి కూడా తెలియదట. అన్ని అంశాల్లోనూ వారు సాధారణంగానే ఉంటారు.
జమాలుద్దీన్ కి సైతం తన గుండె కుడి వైపున ఉన్న సంగతి తొలుత తెలియదు. ఓ రోజు కడుపునొప్పిగా ఉండటంతో వైద్యుడి వద్దకు వెళ్లాడు. అతడిని పరీక్షించిన వైద్యుడు.. ఎక్స్ రే, అల్ట్రాసౌండ్ స్కానింగ్ రిపోర్టులు చూసి అవాక్కయ్యాడు. గుండెతోపాటు కాలేయం, పిత్తాశయం వ్యతిరేక స్థానాల్లో ఉండటాన్ని గుర్తించాడు. ఇలా అవయవాలు వ్యతిరేక స్థానాల్లో ఉండటాన్ని సీటస్ ఇన్వెర్వస్ అంటారు. దీనివల్ల ఎలాంటి సమస్యలూ తలెత్తకపోయినా.. కొన్ని చికిత్సలకు ఇది అడ్డంకిగా మారుతుంది.
ప్రస్తుతం జమాలుద్దీన్ పిత్తాశయంలో రాళ్లున్నట్టు గుర్తించారు. సాధారణంగా అయితే, వాటిని లాప్రోస్కోపిక్ చికిత్స ద్వారా తొలగించే అవకాశం ఉంది. కానీ జమాలుద్దీన్ కు అలా చేయడం కుదరదని, శస్త్రచికిత్స ఒక్కటే మార్గమని చెబుతున్నారు. ఇలా అవయవాలు ఉండాల్సిన స్థానంలో కాకుండా వ్యతిరేకంగా ఉన్న వ్యక్తులు ఇప్పటివరకు 1643 మంది మాత్రమే బయటికి తెలిసిందని జమాలుద్దీన్ ను పరీక్షించిన వైద్యుడు తెలిపారు.
533278 770668Really intriguing topic , thanks for putting up. 715382