ఆనందయ్య కరోనా మందుపై స్పందించిన జగపతి బాబు

గత వారం రోజులుగా ఎక్కడ చూసినా కృష్ణపట్నం ఆనందయ్య కరోనా మందు గురించే చర్చ. ఆయన ఆయుర్వేద మందు విశేషంగా కరోనాపై పోరాడుతుందని, ఇప్పటికే ఎంతో మంది దీని నుండి కోలుకున్నారని నెల్లూరు జిల్లా కృష్ణపట్నం చుట్టుపక్కల గ్రామ ప్రజలు మాట్లాడుకుంటున్నారు. అయితే ప్రభుత్వం ఈ మందుల పంపిణీని నిలిపివేసింది. ఈ మందు ఎలా పనిచేస్తుందో, ఎంత వరకూ ఎఫెక్టివ్ అనేది పరీక్షలు జరిపిస్తోంది.

మరోవైపు ఆనందయ్య ప్రకృతిలో మనకు దొరికే వన మూలికలను వాడి ఈ మందు తయారుచేసినట్లు చెబుతున్నాడు. ఒకవైపు జనాలు ఆనందయ్య ఇచ్చే మందును బాగా విశ్వసిస్తున్నారు. ప్రభుత్వం త్వరగా దీనిపై పరీక్షలు పూర్తి చేసి ఏదో ఒక విషయం చెప్పాలని కోరుతున్నారు.

నటుడు జగపతి బాబు సైతం ఆనందయ్య మందుపై స్పందించాడు. ప్రకృతి మనల్ని కాపాడడానికి వచ్చింది. ఆనందయ్య గారి మందుపై శాస్త్రేయంగా పరీక్ష జరిపి ప్రజల్లోకి రావాలని కోరుకుందాం. ఈ ప్రపంచాన్ని కాపాడాలి, జై హింద్ అని ట్వీట్ చేసాడు.