శత్రువు శత్రువు మిత్రుడంటారు. అదే సూత్రంతో టీఆర్ఎస్ అధినేత కేసీఆర్, వైఎస్సార్ సీపీ అధినేత జగన్ మధ్య చక్కని సంబంధాలు నెలకొన్నాయి. 2014 ఎన్నికల్లోనే తెలంగాణలో తాము, ఏపీలో జగన్ అధికారంలోకి వస్తామంటూ కేసీఆర్ జోస్యం చెప్పారు. అయితే, తెలంగాణలో బొటాబొటీ మెజార్టీతో కేసీఆర్ ప్రభుత్వం ఏర్పాటైనా.. ఏపీలో మాత్రం తెలుగుదేశం పార్టీ అధికారంలోకి వచ్చింది. దీంతో రెండు రాష్ట్రాల మధ్య అంతగా సత్సంబంధాలు నెలకొనలేదు. విభజన సమస్యలతోపాటు పలు అంశాలు పరిష్కారం కాకుండా అలాగే ఉండిపోయాయి.
ఈ నేపథ్యంలో కేసీఆర్ తెలివిగా వ్యవహరించి ముందుస్తు ఎన్నికలకు వెళ్లి భారీ మెజార్టీతో విజయం సాధించారు. అనంతరం ఏపీలో జగన్ గెలుపొందడంతో రెండు రాష్ట్రాల ముఖ్యమంత్రుల మధ్య మంచి సంబంధాలు ఏర్పడ్డాయి. జగన్ ప్రమాణ స్వీకారానికి కేసీఆర్ వెళ్లడం.. కాళేశ్వరం ప్రాజెక్టు ప్రారంభోత్సవానికి జగన్ రావడం.. పలుమార్లు ఇరువురూ భేటీ అయి పలు అంశాలపై చర్చించి, విభజన సమస్యల పరిష్కారానికి కృషి చేయడం వంటి పరిణామాలు జరిగాయి. అయితే, ఆయా అంశాలన్నీ తెలంగాణకు అనుకూలంగా ఉన్నవేనని, ఏపీకి ఒరిగిన లాభమేదీ లేదనే విమర్శలు వ్యక్తమయ్యాయి.
ఈ విమర్శలు ఇలా కొనసాగుతండగా.. రెండు రాష్ట్రాలు కలిసి గోదావరి-కృష్ణా అనుసంధాన ప్రాజెక్టు ప్రారంభించాలని భావించాయి. ఇది కూడా తెలంగాణకే లబ్ధి చేకూరుస్తుందనే వాదనల నేపథ్యంలో జగన్ కాస్త వెనక్కి తగ్గారు. దీంతో క్రమంగా ఆ ప్రాజెక్టు అటకెక్కిపోయింది. అనంతరం ఏపీలో ఆర్టీసీని ప్రభుత్వంలో విలీనం చేస్తామని జగన్ ప్రకటించడం.. తెలంగాణలో కూడా ఆ డిమాండ్ వచ్చి రెండు నెలలపాటు సమ్మె జరగడం.. ఈ సందర్భంగా ఏపీలో ఆర్టీసీ వ్యవహారంపై కేసీఆర్ విమర్శలు చేయడం వంటి పరిణామాలు రెండు రాష్ట్రాల సీఎంల మధ్య కాస్త దూరాన్ని పెంచాయి.
ఈ నేపథ్యంలో తాజాగా పోతిరెడ్డిపాడు ఎత్తు పెంచుతానని జగన్ అసెంబ్లీలో ప్రకటించడం కేసీఆర్ కు మరింత ఇబ్బందిగా పరిణమించింది. ఆది నుంచి రెండు ప్రాంతాల మధ్య వివాదాస్పదంగా నిలిచిన ఈ ప్రాజెక్టు మరోసారి తెరపైకి రావడంతో అప్పుడే కేసీఆర్ ప్రభుత్వంపై విమర్శలు మొదలయ్యాయి. ఇది కూడా జగన్ తో దూరం పెంచే అంశంగానే కనిపిస్తోంది.
మరోవైపు దిశ ఎన్ కౌంటర్ విషయంలో కేసీఆర్ కు హ్యాట్సాఫ్ అంటూ జగన్ అసెంబ్లీలో ప్రశంసించారు. వైసీపీ అధినేత మంచి ఉద్దేశంతోనే గులాబీ బాస్ ను ప్రశంసించినా.. ఒక విధంగా అది కేసీఆర్ ను ఇరుకున పెట్టేలా ఉంది. ఆయనే ఈ ఎన్ కౌంటర్ చేయించిన అర్థం వచ్చేలా అనిపిస్తోంది. ఈ పరిణామాలన్నీ రెండు రాష్ట్రాల సీఎంల సంబంధాలపై ప్రభావం చూపుతాయనే అభిప్రాయాలు వ్యక్తమవుతున్నాయి.
425297 279047Thanks for all your efforts that you have put in this. really fascinating information . 931684
301405 414156I think you did an awesome job explaining it. Confident beats having to research it on my own. Thanks 652647
567838 365246Just what I was looking for, appreciate it for posting . 371738