ఆంధ్రప్రదేశ్ అసెంబ్లీ స్పీకర్, తెలుగుదేశం పార్టీ సీనియర్ నేత కోడెల శివ ప్రసాద్ ‘చొక్కా చిరిగిన వైనం’ గత కొద్ది రోజులుగా రాజకీయ దుమారానికి కారణమైంది. ఎన్నికల పోలింగ్ జరుగుతుండగా, కోడెల శివ ప్రసాద్ తాను పోటీ చేస్తున్న నియోజక వర్గంలోని ఓ పోలింగ్ బూత్లోకి వెళ్లడం, ఆయనపై దాడి జరగడం.. ఈ క్రమంలో కోడెల శివ ప్రసాద్ సొమ్మసిల్లి పడిపోవడం తెలిసిన విషయాలే. దాడి జరగలేదని వైఎస్సార్ కాంగ్రెస్ పార్టీ అంటోంది. జరిగిన దాడి హేయమనీ తెలుగుదేశం పార్టీ మండిపడుతోంది. అసలేం జరిగింది.?
పోలింగ్ బూత్లోకి పోటీ చేస్తున్న అభ్యర్ధి వెళ్లడం నేరమేమీ కాదు. అది అతని హక్కు. కోడెల కూడా ఆ హక్కుతోనే పోలింగ్ బూత్లోకి వెళ్లారు. అయితే, రిగ్గింగ్ చేయడానికే కోడెల శివ ప్రసాద్ పోలింగ్ బూత్లోకి వెళ్లారని వైఎస్సార్ కాంగ్రెస్ పార్టీ ఆరోపిస్తోంది. సుదీర్ఘ రాజకీయ అనుభవం కోడెల సొంతం. హోం మంత్రి సహా అనేక కీలక పదవుల్ని తన రాజకీయ జీవితంలో అనుభవించారాయన. స్పీకర్గా మరింత గౌరవప్రదమైన పదవిలో ప్రస్తుతం ఉన్న కోడెల శివ ప్రసాద్ సిల్లీగా రిగ్గింగ్ చేస్తారని ఎలా అనుకోగలం.? అయితే గత కొద్ది కాలంగా కోడెల సొంత నియోజక వర్గంలో చోటు చేసుకున్న పరిణామాల్ని విశ్లేషిస్తే తీవ్ర వ్యతిరేకత కారణంగానే ఇదంతా జరిగిందనే విషయం అర్ధమవుతుంది.
గ్రామస్థులు కోడెలపై అనుమానంతో ఆగ్రహావేశాలకు లోనయ్యారనీ, ఈ క్రమంలోనే దాడి జరిగిందనీ కోడెల రాజకీయ ప్రత్యర్ధి, వైఎస్సార్ కాంగ్రెస్ పార్టీ నేత అంబటి రాంబాబు ఆరోపించారు. అయితే వైఎస్సార్ కాంగ్రెస్ పార్టీ అధినేత వైఎస్ జగన్ వాదన మాత్రం ఇంకోలా ఉంది. గవర్నర్ నరసింహన్ని కలిసిన అనంతరం వైఎస్ జగన్ మీడియాతో మాట్లాడుతూ కోడెల తన చొక్కా తానే చించేసుకున్నారనీ, దాడి జరిగిందంటూ నాటకమాడారనీ చెప్పారు. ఇదే విషయాన్ని గవర్నర్ దృష్టికి తీసుకెళ్లారట జగన్. రాజకీయాలు ఎంతలా దిగజారిపోయాయో చెప్పడానికి ఇదొక నిదర్శనం.
కొన్నాళ్ల క్రితమే వై ఎస్ జగన్ మీద విశాఖపట్నంలో హత్యాయత్నం జరిగింది. దీన్ని అధికార తెలుగుదేశం పార్టీ చాలా వెటకారం చేసింది. కొందరు టీడీపీ నేతలైతే పబ్లిసిటీ కోసమే పెద్ద నాటకమాడారంటూ వైఎస్సార్ కాంగ్రెస్ పార్టీపై ఎదురు దాడి చేశారు. ఇంకొందరు తెలుగు తమ్ముళ్లు ఇంకాస్త అత్యుత్సాహం చూపి, జగన్ మీద అతని కుటుంబ సభ్యులే దాడి చేయించి ఉండొచ్చని అనుమానం వ్యక్తం చేశారు. అప్పుడు టీడీపీ నేతలు తనపై జరిగిన దాడిని ఎగతాళి చేశారు గనుక, ఇప్పుడు కోడెలపై జరిగిన దాడిని తాను చులకన చేయాలనుకోవడం ముఖ్యమంత్రి పదవిలో కూర్చోవాలనుకుంటోన్న జగన్కి తగదు. టీడీపీ చేసిన తప్పే జగన్ చేస్తానంటే ఇక ప్రజల ముందు నేను భిన్నమైన నాయకుడిని, విశ్వసనీయత కలిగిన వాడిని అని జగన్ ఎలా చెప్పుకోగలరు.?
కోడెలపై దాడి జరిగిన మాట వాస్తవం. ఆయన వాహనంపై రాళ్లు రువ్విన మాట వాస్తవం. కోడెలకు రాజకీయ ప్రత్యర్థి వైఎస్సార్ కాంగ్రెస్ పార్టీనే. ఇప్పటికే పోలీసులు ఈ కేసులో పలువురు వైసీపీ కార్యకర్తలు, నేతలపై కేసులు నమోదు చేశారు. అదే సమయంలో కోడెల శివ ప్రసాద్పైనా కేసులు నమోదయ్యాయి. కొన్ని ఆరెస్టులూ జరుగుతున్నాయి. నిజమేంటో ముందు ముందు తెలుస్తుంది. చొక్కా చిరిగిందా.? చింపేశారా.? చింపేసుకున్నారా.? వంటి ప్రశ్నలకు సమాధానాలు త్వరలో ఖచ్చితంగా దొరుకుతాయి. అప్పటిదాకా రాజకీయ నాయకులు విజ్ఞత ప్రదర్శిస్తే ఉద్రిక్తతలు తగ్గుతాయి.
383732 332852Merely wanna state that this is quite beneficial , Thanks for taking your time to write this. 74402
180090 378636Aw, it was a really good post. In concept I must put in writing related to this in addition – spending time and actual effort to manufacture a excellent article but exactly what do I say I procrastinate alot and no means uncover a strategy to go carried out. 397974
790194 272318I dugg some of you post as I cogitated they were really beneficial invaluable 293265
990956 668221I like this weblog its a master piece! Glad I discovered this on google. 92349
190270 703281An intriguing discussion will be worth comment. I believe which you can write read much more about this topic, may possibly well certainly be a taboo topic but typically folks are inadequate to chat on such topics. To a higher. Cheers 439839
973804 910873Wow, incredible blog layout! How long have you been blogging for? you make blogging look simple. The overall appear of your site is fantastic, as nicely as the content material! 267647