ఆంధ్రప్రదేశ్లో ప్రస్తుతం ప్రత్యేక హోదా గురించిన చర్చ జరగడంలేదు.. పోలవరం ప్రాజెక్టు గురించిన ఆలోచన అసలే ఎవరికీ లేదు.. అసలు రాష్ట్ర అభివృద్ధి గురించి ఎవరికీ పట్టడంలేదు. అసెంబ్లీ సమావేశాల్ని కేవలం ‘చంద్రబాబు – వైఎస్ జగన్’ మధ్య గొడవ కోసమే అన్నట్లు నిర్వహించారు. ఆ అసెంబ్లీ సమావేశాల్లో పవన్ కళ్యాణ్ పెళ్ళిళ్ళ వ్యవహారం గురించి చర్చించడం ద్వారా వైఎస్ జగన్, అపరిపక్వ రాజకీయాలకు తెరలేపిన విషయం విదితమే. అసలేం జరుగుతోంది ఆంధ్రప్రదేశ్లో.! ఇంతకీ, కేంద్రం ఏం చేస్తోంది.! కేంద్రానికి చాలా సమస్యలున్నాయి.. దేశమంతా ఇప్పుడు భగ్గుమంటోంది పౌరసత్వ సవరణ చట్టం కారణంగా. ఆ సెగల్లో చలి కాచుకుంటోంది కేంద్రం.
ఇంతలోనే ఆంధ్రప్రదేశ్లో మూడు రాజధానుల అంశం తెరపైకొచ్చింది. ఈ పరిస్థితుల్లో కేంద్రం, ఆంధ్రప్రదేశ్ రాజకీయాల్లో జోక్యం చేసుకుంటుందా.? రాష్ట్ర బీజేపీ నేతలు.. ఇక్కడి సమస్యలతో ఎంచక్కా చలికాచుకుంటున్నారు తప్ప.. వాళ్ళెవరికీ రాష్ట్రం ఎదుర్కొంటున్న సమస్యలపై చిత్తశుద్ధి వుందని అనుకోలేం. కేంద్రం, రాష్ట్రానికి చాలా చాలా నిధులు ఇవ్వాలి.. అదీ విభజన చట్టంలో పేర్కొన్న ప్రకారమే. పొరుగు రాష్ట్రం తెలంగాణతో ఏపీకి ‘విభజన సమస్యలు’ చాలానే వున్నాయి. వీటి విషయంలో అధికార వైఎస్సార్ కాంగ్రెస్ పార్టీకి చిత్తశుద్ధి లేదు. ఓ ఖచ్చితమైన వ్యూహాన్ని పన్ని, అందులో విపక్షాల్ని నెట్టేసింది అధికార వైఎస్సార్ కాంగ్రెస్ పార్టీ. అంతే, అధికార పార్టీ ట్రాప్లో పడి విపక్షాలు అసలు సమస్యల్ని మర్చిపోయాయి.
ఒక్క రాజధాని అమరావతిని ఐదేళ్ళలో నిర్మించలేకపోయిన టీడీపీ, మూడేళ్ళలో మూడు రాజధానులపై వైసీపీ ఏమీ చేయలేదన్న వాస్తవాన్ని గుర్తించలేదని ఎలా అనుకోగలం.? బీజేపీ సంగతి సరే సరి. కేంద్రం, తాజా పరిస్థితుల్ని చూస్తూ ఊరుకోదని ఏపీ బీజేపీ నేతలు చెబుతున్నారు. గడచిన ఐదేళ్ళు కేంద్రం ఏం చేసిందో చూశాం. రాష్ట్రంలో ప్రాంతీయ పార్టీలు కొట్టుకుంటూ వుంటే, బీజేపీ పండగ చేసుకుంటుంది. ఎందుకంటే, కేంద్రం.. రాష్ట్రానికి అదనంగా ఏమీ చేయాల్సిన పని వుండదు గనుక. ఒక్కటి మాత్రం నిజం.. ప్రత్యేక హోదా సహా.. విభజన అంశాలకు సంబంధించి అధికార వైఎస్సార్ కాంగ్రెస్ పార్టీ తమ చేతకానితనాన్ని కప్పిపుచుకునేందుకు మూడు రాజధానుల అంశాన్ని తెరపైకి తెచ్చింది. దాన్ని కేంద్రంలో అధికారంలో వున్న బీజేపీ ఎంజాయ్ చేస్తోంది. ఇంకా కరెక్ట్గా చెప్పాలంటే.. బీజేపీ కనుసన్నల్లో రాష్ట్రంలో వైఎస్ జగన్ ‘మూడు రాజధానులు అనే’ అలజడిని రేపారన్నమాట.
70773 134948Following I initially commented I clicked the -Notify me when new feedback are added- checkbox and now each time a remark is added I get four emails with the same comment. Is there any method youll be able to take away me from that service? Thanks! 519309
291426 309537Conveyancing […]we like to honor other web sites on the internet, even if they arent related to us, by linking to them. Below are some sites worth checking out[…] 142787