ఈ మధ్యనే గుంటూరు జిల్లాలో కరోనా సోకిన ఓ వ్యక్తి, అంబులెన్స్ కోసం ఎదురుచూసి నడి రోడ్డుపైనే ప్రాణాలు వదిలితే.. గంటల తరబడి ఆ మృతదేహాన్ని కూడా తరలించడానికి ఎవరూ ముందుకు రాని దుస్థితిని చూశాం. వైఎస్ జగన్ ప్రభుత్వం, డ్రోన్ కెమెరాలతో ఆ మధ్య ‘కొత్త అంబులెన్సుల పెరేడ్’ నిర్వహించింది. ఊరూ వాడా ఆ అంబులెన్సులకు వైసీపీ శ్రేణులు బ్రహ్మరథం పట్టాయి. కొందరు వైసీపీ ప్రజా ప్రతినిథులైతే అంబులెన్సుల్ని డ్రైవ్ చేస్తున్నట్లుగా ఫొటోలకు పోజులు కూడా ఇచ్చారు. ఎందుకీ పబ్లిసిటీ స్టంట్లు.? అని ప్రశ్నిస్తే, ఎదురుదాడి తప్ప.. బాధ్యతాయుతమైన సమాధానం అధికార పార్టీ నేతల నుంచి రావడంలేదు.
‘పబ్లిసిటీ జాస్తి.. పని మాత్రం నాస్తి..’ అన్నట్టు తయారైంది గ్రౌండ్ లెవల్లో పరిస్థితి. ఓ అంబులెన్స్లో ఒకర్ని కాదు.. పది మందికి పైగానే కూరేశారు ఓ జిల్లాల్లో.. వాళ్ళల్లో కొందరు కరోనా రోగులు, ఇంకొందరు కరోనా అనుమానితులు. ఇలా చెప్పుకుంటూ పోతే, ఈ తరహా ఘటనలు చాలానే కన్పిస్తున్నాయి ఆంధ్రప్రదేశ్లో. తాజాగా పశ్చిమగోదావరి జిల్లాలో కరోనా బాధితుడ్ని చెత్త బండిలో ఆసుపత్రికి తరలించారు. మరి, ముఖ్యమంత్రి వైఎస్ జగన్ మోహన్రెడ్డి అట్టహాసంగా జెండా ఊపి ప్రారంభించిన అంబులెన్సులు ఏమైనట్లు.? అవన్నీ పని చేయడంలేదని కాదు.. కానీ, అత్యవసర సందర్భాల్లో అక్కరకు రాకపోతే ఉపయోగమేంటి.?
కొన్ని అంబులెన్సులు సాంకేతిక సమస్యలతో రోడ్ల మీద ఆగిపోతున్నట్లు మీడియాలో కథనాలొస్తున్నాయి. మొన్నామధ్య ఓ అంబులెన్స్లో డీజిల్ లేకపోవడంతో అర్థాంతరంగా ఆగిపోయేసరికి, అత్యవసర సమయంలో బాధితులకు అంబులెన్స్ ఉపయోగపడలేకపోయింది. ఇలాంటి ఘటనలు జరిగినప్పుడు ప్రభుత్వ పెద్దలు స్పందించాలి. వైఫల్యాలపై సమీక్షించుకోవాలి.. ప్రజలకు భరోసా ఇవ్వాలి. ఆయా అంబులెన్స్ సర్వీసుల్ని నిర్వహిస్తోన్న ప్రైవేటు సంస్థల్ని అప్రమత్తం చేయాలి, వీలైతే హెచ్చరించాలి. ఇవన్నీ మానేసి, విపక్షాలపై ఎదురుదాడికి దిగేందుకు మాత్రమే అధికార పార్టీ నేతలు అత్యుత్సాహం చూపుతుండడం గమనార్హం.
రాష్ట్రంలో కరోనా కేసులు విచ్చలవిడిగా పెరిగిపోతున్నాయి. ఈ క్రమంలో అంబులెన్స్ల కొరత వుండడం అనేది తప్పకపోవచ్చు. కానీ, అత్యంత హస్త్రయంగా చెత్త బండిలో కరోనా బాధితుడ్ని తరలించాల్సి రావడమేంటి.? దీనికి కారణమైన సంబంధిత శాఖల అధికారులపై ప్రభుత్వ పెద్దలు ఎలాంటి చర్యలు తీసుకుంటారు.? సభ్య సమాజం సిగ్గుతో తలదించుకునేలా ఇలాంటి ఘటనలు జరుగుతున్నాయంటే, ఇది ప్రభుత్వ వైఫల్యంగానే భావించాల్సి వుంటుంది.
981388 881126Hi there, i just thought i would publish and now let you know your sites style is genuinely smudged within the K-Melon browser. Anyhow sustain in the quite good function. 766839
976113 240450Precisely what I was searching for, thankyou for putting up. 795136
256772 136101Really instructive and superb structure of articles, now thats user friendly (:. 669110
917184 153457Very good job on this post! I genuinely like how you presented your facts and how you made it interesting and effortless to understand. Thank you. 606774