ఎలిమినేట్‌ అయినా హిమజ గెలిచింది.. ఎందుకంటే.!

‘ఇంకో ఛాన్స్‌ బిగ్‌హౌస్‌లోకి వెళ్ళేందుకు వస్తే, మళ్ళీ లోపలికి వెళతావా.?’ అని స్వయంగా బిగ్‌ హోస్ట్‌ నాగార్జున అడిగితే ఎవరైనా కాదనగలరా.? ఈ సీజన్‌లో ‘కాదు’ అని చెప్పడం ఒకే ఒక్కరికి సాధ్యమయ్యింది. నిజానికి అది చాలా డేరింగ్‌ డెసిషన్‌. ‘ఎలిమినేట్‌ అయి.. బయటకు వచ్చాక, మళ్ళీ లోపలికి వెళ్ళడం అంటే అది ఫేక్‌గా వుంటుంది.. కాబట్టి, నేను వెళ్ళలేను..’ అని హిమజ తేల్చేసింది. అంతా ఊహించినట్లుగానే ఈ వారం బిగ్‌హౌస్‌ నుంచి హిమజ ఎలిమినేట్‌ అయిపోయింది. నిజానికి, రెండు మూడు వారాల క్రితమే హిమజ బిగ్‌హౌస్‌ నుంచి ఎలిమినేట్‌ అవ్వాల్సి వుంది. కానీ, కొన్ని ‘ప్రత్యేక కారణాల రీత్యా’ ఆమెని బిగ్‌హౌస్‌లో కొనసాగేలా చేశారంటూ ప్రచారం జరిగిన విషయం విదితమే

ఎలాగైతేనేం, నిన్న రాహుల్‌ సిప్లిగంజ్‌ ఫేక్‌ ఎలిమినేషన్‌ తర్వాత, ఈ రోజు రియల్‌ ఎలిమినేషన్‌ జరిగింది. ఇక, బిగ్‌బాంబ్‌ని హిమజ, తనకు బాగా ఇష్టమైన మహేష్‌ మీద వేసింది. నిజానికి, ఈ వారం మహేష్‌ ఎలిమినేషన్‌ ప్రక్రియకు నామినేట్‌ అయ్యాడంటే దానికి కారణం హిమజ ఆడిన ఫేక్‌ గేమ్‌. దానికి ఆమె ఎంతలా కవరింగ్‌ ఇచ్చుకున్నా, ఆమె ‘ఫేక్‌ గేమ్‌’ అందరికీ తెలిసిపోయింది. కానీ, ఇంకా బుకాయించే ప్రయత్నం హిమజ ఎలిమినేట్‌ అయ్యాక కూడా చేసింది.

వితికదే తప్పంటూ.. వితిక మీద ‘బ్యాడ్‌ స్టాంప్‌’ కూడా వేసేసింది. ఎలాగూ హౌస్‌ నుంచి హిమజ వెళ్ళిపోయింది గనుక, వాదించడం దండగ.. అనుకుందేమో వితిక, హిమజకి ‘సారీ’ చెప్పేసింది. బ్యాడ్‌ లిస్ట్‌లో హిమజ, పునర్నవిని కూడా వుంచింది. మరోపక్క, వీకెండ్‌ ఎపిసోడ్‌లో హిమజ, డాన్సులతో అదరగొట్టేసింది. హిమజ ఎలిమినేషన్‌ సందర్భంగా శివజ్యోతి పరమ రొటీన్‌గానే ఏడ్చేసింది. ‘హిమజ ట్రేడ్‌ మార్క్‌ సాంగ్‌’తో ఆమెను హౌస్‌ నుంచి సాగనంపారు కంటెస్టెంట్స్‌.