శృంగార పండుగ: అపరిచితులతో అక్కడ ఏదైనా చేసుకోవచ్చు.. ఇంతకీ అదెక్కడో తెలుసా..!

అదొక గ్రామం. అక్కడ ఓ కొండ. దాని చుట్టూ బోలెడన్ని నమ్మకాలు. ఆ కొండ ప్రత్యేకత ఏంటంటే, అక్కడ ఎవరైనా, ఎవరితోనైనా శృంగారంలో పాల్గొనవచ్చు. ఇండోనేషియాలో ఉంది ఈ ప్రత్యేకమైన శృంగార పర్వతం. దీని వెనుక పెద్ద కథే ఉంది. ఓ యువరాజు ‘పంగేరన్‌ సముద్రో’, అతని సవతి తల్లి ‘న్యాయీ ఓంట్రోఉలాన్‌’కి సంబంధించిన ప్రదేశమిది. అయితే రకరకాల కథలు దీనికి సంబంధించి ప్రచారంలో ఉన్నాయి. సముద్రో తండ్రి జవనీస్‌ కింగ్‌, కొడుకు మీద అనుమానంతో కొడుకుని ఈ ప్రాంతంలో చంపేశాడనీ, అక్కడే సముద్రో సవతి తల్లి కూడా హత్యకు గురైందనీ ఓ కథ ప్రచారంలో ఉంది.

సముద్రో చనిపోయే ముందు, సవతి తల్లితో శృంగారంలో పాల్గొన్నాడనీ ఇంకో కథ. వారి అమరత్వం కారణంగా ఇదొక పవిత్ర ప్రాంతమనీ భావిస్తుంటారు. ఆర్ధిక ఇబ్బందుల నుండి బయటపడడానికి, కుటుంబ తగాదాలు సమసిపోవడానికి, జీవితంలో ఉన్నత స్థాయికి చేరడానికి, సంతాన ప్రాప్తికీ.. ఇంకా చాలా నమ్మకాలతో ఇక్కడ జరిగే ఓ ఫెస్టివల్‌లో పాల్గొనేందుకు చాలా మంది పోటీపడుతుంటారు. ఇండోనేషియాలో ఇస్లామిక్‌ పాపులేషన్‌ చాలా ఎక్కువ. హిందువులు కూడా పెద్ద సంఖ్యలోనే ఉంటారు. అయితే అందరూ ఈ పర్వతం తాలూకు గొప్పతనం గురించి మాట్లాడతారు. మాట్లాడడమే కాదు, మొక్కులు తీర్చుకోవడానికి ఆశక్తి చూపుతుంటారు.

మొక్కులు చెల్లించుకోవడమంటే, కొబ్బరికాయలు, పండ్లూ, పాలూ సమర్పించుకోవడమనుకుంటున్నారేమో.. అస్సలు కానే కాదు. ఇదో టైపు మొక్కుబడి అన్నమాట. అదేంటో తెలిస్తే షాకవ్వాల్సిందే. ‘శృంగారం’. అవును మీరు కరెక్ట్‌గానే విన్నారు. శృంగారమే ఇక్కడ మొక్కుబడి. శృంగారం జరపడానికి పాట్నర్‌ని తెచ్చుకోవల్సిన పనిలేదు. మొక్కులు మొక్కుకున్న వారే, ఒకరికొకరు శృంగార మొక్కుల్లో సహకరించుకుంటారు. భార్య, భర్త ఇద్దరూ కలిసి మొక్కుకుంటే, వాళ్లిద్దరూ విడి విడిగా వేర్వేరు వ్యక్తులతో శృంగారం చేయొచ్చు. అయితే ఆ ప్రక్రియ ఈ పర్వతం వరకే పరిమితం. బయటికొచ్చాక, ఎవరికి ఎవరో.. వేర్వేరే.

పర్వతంపై జరిపే శృంగారం ఓపెన్‌గానే ఉంటుంది. చెట్ల కిందా, సాధారణ ప్రదేశాల్లో శృంగారం చేస్తారు అపరిచిత వ్యక్తులతో. కానీ అంత కన్నా ముందు సుముద్రో, అతని సవతి తల్లి సమాధులపై పూలు ఉంచి నివాళులు అర్పించాలి. ఆ తర్వాత అక్కడే ఉన్న ఓ కోనేటిలో స్నానం చేయాలి. ఆ తర్వాత అసలు కథ మొదలవుతుంది. ఇలాంటి వింత మొక్కులు ప్రపంచంలో పలు చోట్ల కనిపిస్తాయి. కానీ అన్నింట్లోకీ ఇది చాలా ప్రత్యేకమైనది. ఇదిలా ఉంటే, క్రమ క్రమంగా ఈ పర్వతం సుఖ వ్యాధుల తీవ్రత పెరగడానికి కారణమవుతోంది. ఎందుకంటే భక్తుల పేరుతో సెక్స్‌ వర్కర్ల తాకిడి ఇక్కడ ఎక్కువైపోయింది.

ఈ నేపథ్యంలో ముందే వ్యాధి నిర్ధారణ పరీక్షలు చేయడానికి కొన్ని ఆరోగ్య కేంద్రాలు పర్వతం సమీపంలో ఏర్పాటు చేశారు. అయినప్పటికీ కూడా పరిస్థితి అదుపులోకి రావడం లేదు. భక్తి పేరుతో విచ్చల విడి శృంగారాన్ని అనుమతించకూడదంటూ ఆందోళన జరుగుతున్నాయి. కానీ, ఎవరి నమ్మకాలు వాళ్లవి. అందుకే సుఖ వ్యాధుల తీవ్రత ఎంత పెరిగిపోతున్నా, ప్రజల్లో నమ్మకాలు తగ్గడం లేదు. ‘గునుంగ్‌ కెముకుస్‌’ అనే ఈ పర్వతం ప్రపంచ స్థాయిలో శృంగార పర్వతంగా పర్యాటకుల దృష్టిని విశేషంగా ఆకర్షిస్తూనే ఉంది.