మత్తు మందు కలిపిన కూల్‌ డ్రింక్ ఇచ్చి.. నిర్మాతపై నటి సంచలన వ్యాఖ్యలు

టాలీవుడ్‌ తో పాటు అన్ని సినిమా పరిశ్రమల్లో కూడా కాస్టింగ్‌ కౌచ్‌ అనేది భారీగా ఉంది అనడంలో ఎలాంటి సందేహం లేదు. ఈ విషయం కొందరు కాదు లేదు అన్నా కూడా అది వారు ఏదో ప్రయోజనం కోసం మాట్లాడుతున్నారు అనుకోవచ్చు. కొందరికి ఎదురు కాకపోయినా బ్యాక్‌ గ్రౌండ్‌ లేకుండా ఆఫర్ల కోసం ప్రయత్నాలు చేసే వారు మాత్రం చాలా మంది కాస్టింగ్‌ కౌచ్‌ ను ఎదుర్కొన్న వారే ఫన్‌ బకెట్‌ అనే యూట్యూబ్‌ కామెడీ కార్యక్రమం ద్వారా అందరికి పరిచయం అయిన బార్గవి ఒక నిర్మాతపై సంచలన వ్యాఖ్యలు చేసింది.

సినిమాల్లో ఆఫర్స్‌ కోసం నేను ప్రయత్నిస్తున్న సమయంలో ఒక నిర్మాత ఆఫర్‌ ఇస్తాను అంటూ ఆఫీస్‌కు పిలిచాడు. ఆఫీస్‌లో ఎవరు లేరు. నేను ఆయన మాత్రమే ఉన్నారు. ఆయన నన్ను మాటల్లో పెట్టేందుకు ప్రయత్నిస్తున్నాడు. నాపై పంచ్‌లు వేయడంతో పాటు ఇండైరెక్ట్‌గా బూతులు మాట్లాడుతూ నా నుండి ఏదో ఆశిస్తున్నట్లుగా నాకు అనిపించేలా మాట్లాడుతున్నాడు. ఆ సమయంలోనే నాకు కూల్‌ డ్రింక్‌ ఇచ్చాడు. ఆ డ్రిరక్‌ను చూస్తుంటే అందులో ఏదో కలిపే ఉన్నట్లుగా అనిపించింది. తాగమని రెండు మూడు సార్లు అన్నాడు. నాకు అనుమానం వచ్చి తాగలేదు.

మనం చేయబోతున్న సినిమా షూటింగ్స్‌ ఎక్కువగా ఔట్‌ డోర్‌ ఉంటాయి. అక్కడకు వెళ్లినప్పుడు నాకు ఏమైనా కంపెనీ ఇస్తావా, నాకు నీవు ఏం ఇవ్వగలవు అంటూ ప్రశ్నించాడు. అతడి నీచపు బుద్ది నాకు అర్థం అయ్యింది. అతడి ప్రవర్థన చూస్తుంటే రాక్షసుడిలా నా మీద పడేలా ఉంది అనిపించింది. అందుకే వెంటనే అక్కడ నుండి వెళ్లి పోవాలనుకున్నాను. ఏమాత్రం కోపం తెచ్చుకోకుండా నవ్వుకుంటూనే ఉంటూ అమ్మ ఫోన్‌ చేసింది అంటూ ఫోన్‌ రాకున్నా ఫోన్‌ మాట్లాడుతూ బయటకు వెళ్లాను.

అక్కడ నుండి దూరంగా వచ్చేసి హమ్మయ్య అనుకున్నాను అంటూ భార్గవి చెప్పింది. ఇంతకు ఆ నిర్మాత ఎవరు అనేది మాత్రం ఆమె చెప్పలేదు. కేవలం ఆ నిర్మాత వద్దే కాకుండా మరో రెండు మూడు సార్లు కూడా కాస్టింగ్‌ కౌచ్‌ ఎదురైంది. కాని నేను మాత్రం ఆఫర్లు లేకున్నా పర్వాలేదు కాని కమిట్‌మెంట్‌ ఇవ్వను అంటూ చెప్పేశాను అంది.