ఎక్స్ క్లూజివ్: ఎంత మెగా హీరో అయినా ఇది మరీ ఓవర్ బడ్జెట్.!

స్వయంకృషితో క్యారెక్టర్ ఆర్టిస్ట్ గా మొదలై మెగాస్టార్ గా ఎదిగిన చిరంజీవి వేసిన బంగారు బాటలో ఇప్పటికే అరడజను పైగా మెగా వారసులు హీరోలుగా తెలుగు ప్రేక్షకులకు పరిచయమయ్యారు. వారి బాటలోనే హీరోగా పరిచయమవుతున్న చిరు మరో మేనల్లుడు, సాయి ధరమ్ తేజ్ తమ్ముడు పంజా వైష్ణవ్ తేజ్. సుకుమార్ అసోషియేట్ అయిన బుచ్చిబాబు దర్శకత్వం వహించిన ‘ఉప్పెన’ మూవీ ఏప్రిల్ 2న భారీగా రిలీజ్ కావడానికి సిద్ధమవుతోంది.

ఇప్పటికే రిలీజైన పాటలు, వీడియో విజువల్స్ లో నటీనటులు, దర్శకుడు ఫుల్ మార్క్స్ కొట్టేసి సినిమాపై అంచనాలను పెంచేశారు. అలాగే సినిమా అవుట్ ఫుట్ చూసుకున్నాక సుకుమార్ తో సహా అందరూ హిట్ కొడుతున్నామనే ఆనందంలో ఉన్నారు. ఇక్కడి వరకూ అల్ హ్యాపీస్ కానీ బాక్స్ ఆఫీస్ దగ్గరికి వచ్చేసరికే అసలు సమస్య వస్తోంది.

అదేమిటంటే, మొదట ఈ సినిమాని రెన్యుమరేషన్స్ కూడా పెద్దగా లేకుండా చాలా చిన్న బడ్జెట్ లో తీయాలని అనుకున్నారు. కానీ రెమ్యునరేషన్స్ విషయంలో ఎవరూ పెద్దగా రాజీకి రాలేదని ఇది వరకే తెలిపాము. దాంతో సుమారు రెండు మూడు కోట్లలో అనుకున్న సినిమా కాస్తా 22 కోట్ల బడ్జెట్ దాటింది. రెమ్యునరేషన్స్, షూటింగ్ టైం మరియు ఎక్కువ రోజుల ప్రొడక్షన్ వలన ఇంత బడ్జెట్ అయ్యింది. ఇప్పుడు నిర్మాతలకి లాభాలు రావాలంటే ఈ సినిమా సుమారు 24 కోట్ల బిజినెస్ చెయ్యాలి. అలాగే రిలీజయ్యాక బాక్స్ ఆఫీస్ వద్ద కూడా 25 కోట్ల షేర్ సాధించాలి. అప్పుడే ఇప్పుడు ఖర్చయిన బడ్జెట్ కి న్యాయం జరుగుతుంది.

గతంలో సాయి ధరమ్ తేజ్ మొదటి సినిమా ‘రేయ్’ విషయంలో కూడా ఇదే జరిగింది. అనుకున్న దానికంటే ఓవర్ బడ్జెట్ అయిపోవడం వలన రిలీజ్ టైం లో కష్టాలను చూసింది అలాగే సినిమా పరవాలేదనిపించుకున్నా నిర్మాతకి నష్టాల్ని మిగిల్చింది. ఇప్పుడు అదే బాటలో తమ్ముడు వైష్ణవ తేజ్ ఫిల్మ్ కి కూడా జరిగింది. అలాగే అనుకున్న టైంకి రిలీజ్ చేస్తే కరోనా వైరస్ ఎఫెక్ట్ కూడా బాక్స్ ఆఫీస్ వద్ద భారీ ఇంపాక్ట్ ని క్రియేట్ చేసే అవకాశము ఉంది. మీరేమంటారు.. ఎంత మెగా హీరో అయినా డెబ్యూ ఫిల్మ్ కి ఇంత బడ్జెట్ కరెక్ట్ అంటారా.??