అల్లు అర్జున్ పుష్ప సినిమా తో బాలీవుడ్‌ లో సెన్షేషన్‌ సృష్టించాడు. బాలీవుడ్‌ లో ఇప్పటి వరకు ఏ టాలీవుడ్‌ హీరో బాహుబలి తర్వాత వంద కోట్ల మార్క్ ను దక్కించుకోలేదు. ఇప్పుడు పుష్ప తో బన్నీ ఆ మార్క్ ను చేరుకునే అవకాశం కనిపిస్తుంది. ఈ స్థాయిలో వసూళ్లు నమోదు చేయడం తో అక్కడ బన్నీ స్టార్ హీరో అయ్యాడు. ఇప్పుడు బన్నీ పాన్ ఇండియా స్టార్ గా మారిపోయాడు. ఒక అద్బుతమైన పుష్ప సినిమా ను మాకు ఇచ్చారు అంటూ హిందీ ప్రేక్షకులు ఆహో ఓహో అంటున్నారు. ఇప్పుడు అదే జోష్ లో బన్నీ గత సినిమాలు బ్యాక్ టు బ్యాక్ డబ్బింగ్ అవుతున్నాయి. ఇదే సమయంలో కొన్ని సినిమాలు కూడా రీమేక్ అవుతున్నాయి.
అల్లు అర్జున్ అల వైకుంఠపురంలో సినిమా హిందీలో రీమేక్ అవుతుంది. ఇదే సమయంలో డీజే సినిమాను కూడా రీమేక్ చేసేందుకు ఏర్పాట్లు జరుగుతున్నట్లుగా వార్తలు వస్తున్నాయి. విశ్వసనీయంగా అందుతున్న సమాచారం ప్రకారం డీజే సినిమాను ఒక బాలీవుడ్‌ యంగ్‌ స్టార్ హీరో రీమేక్ చేసేందుకు గాను ఓకే చెప్పాడట. డీజే సినిమా ఇప్పటికే డబ్బింగ్ అయ్యి కొన్ని వందల సార్లు టీవీలో హిందీ ప్రేక్షకుల ముందుకు టెలికాస్ట్‌ అయ్యి వచ్చింది. అలాంటి డీజే సినిమాను రీమేక్ చేస్తే ఎలాంటి ఫలితం ఉంటుందో అనేది చూడాలి. హరీష్‌ శంకర్ ఒరిజినల్ వర్షన్ కు దర్శకత్వం వహించగా పూజా హెగ్డే హీరోయిన్ గా నటించిన విషయం తెల్సిందే. రీమేక్ లో ఎవరు ఉంటారో చూడాలి.
401283 254127It shows how you comprehend this subject. Added this page, is for far more. 415045