రాశి ఫలాలు: ఆదివారం 24 జనవరి 2021

పంచాంగం

శ్రీ శార్వరి నామ సంవత్సరం దక్షిణాయనం హేమంత ఋతువు పుష్యమాసం శుక్ల పక్షం

సూర్యోదయం: ఉ.6:38
సూర్యాస్తమయం: సా.5:47
తిథి: ఏకాదశి రా.9:40 వరకు తదుపరి ద్వాదశి
సంస్కృతవారం: భానువాసరః
నక్షత్రం: రోహిణి రా.11:14 వరకు
యోగం:బ్రహ్మ రా.10:06 వరకు
కరణం: వనిజ ఉ.9:59 వరకు తదుపరి విష్టి రా.10:55 వరకు
వర్జ్యం: మ.2:15 నుండి సా.4:00 వరకు తదుపరి రా.తె.5:18 నుండి ఉ.6:38 వరకు
దుర్ముహూర్తం:సా.4:15 నుండి సా.4:59 వరుకు
రాహుకాలం: సా.4:30 నుండి సా.6:00 వరకు
యమగండం: మ.12:00 నుండి మ.1:30 వరకు
గుళిక కాలం: మ.3:15 నుండి సా.4:39 వరకు
బ్రాహ్మీ ముహూర్తం: తె.5:17 నుండి ఉ.6:05 వరకు
అమృత ఘడియలు: రా.8:29 నుండి రా.10:14 వరకు
అభిజిత్ ముహూర్తం: మ.12:06 నుండి మ.12:50 వరకు.

ఈరోజు (24-01-2021) రాశి ఫలితాలు

మేషం: ధన సంబంధమైన ఇబ్బందులు కలుగుతాయి. వృత్తి, ఉద్యోగాలలో అవగాహనా లోపం వలన పై అధికారుల నుండి మాటలు పడవలసి రావచ్చు. కుటుంబ వ్యవహారాలలో సొంత నిర్ణయాలు తీసుకోవడం మంచిది. చేసే ప్రతి పనికి అధిక శ్రమ పడాల్సి ఉంటుంది.

వృషభం: వృత్తి, ఉద్యోగాలలో పురోగతి కనిపిస్తుంది. నూతన వ్యాపారాలకు తగిన ప్రోత్సాహకాలు లభిస్తాయి. అధికారులతో జాగ్రత్తగా ప్రవర్తించడం మంచిది. సంతానం పోటీ పరీక్షలలో మంచి ఉత్తీర్ణత సాధిస్తారు. దూర ప్రయాణాలు లాభసాటిగా సాగుతాయి.

మిథునం: బంధు వర్గం వారి నుండి విమర్శలు ఎదుర్కోవాల్సి రావచ్చు. కుటుంబ వాతావరణం గందరగోళంగా ఉంటుంది. స్త్రీ సంబంధిత ఇబ్బందులు కలుగుతాయి. ఉద్యోగ భంగ సూచనలు ఉన్నవి. ఋణ ఒత్తిడి పెరుగుతుంది. ప్రయాణాలు వాయిదా వెయ్యడం మంచిది.

కర్కాటకం: ఆర్థిక పరిస్థితి అనుకూలంగా ఉంటుంది. చేపట్టిన పనులలో ఇబ్బందులు ఎదురైనా అనుకున్న సమయాన్ని పూర్తి చేయగలుగుతారు. వృత్తి ఉద్యోగాలలో ఆశించిన అభివృద్ధి కలుగుతుంది. కుటుంబ విషయాలలో తీసుకున్న నిర్ణయాలు భవిష్యత్తులో ఉపయోగపడే విధంగా ఉంటాయి.

సింహం: చిన్ననాటి మిత్రులను కలుసుకుంటారు. చేపట్టిన వ్యవహారాల్లో విజయం సాధిస్తారు. శుభకార్య ఆహ్వానాలు అందుతాయి. వృత్తి ఉద్యోగాలలో దీర్ఘకాలిక సమస్యలను పరిష్కరించుకుంటారు. ఋణాలు వసూలవుతాయి. పుణ్యక్షేత్ర దర్శనాలు చేసుకుంటారు.

కన్య: భాగస్వామ్య వ్యాపారములు కలిసివస్తాయి. ప్రయాణాల వలన లాభం కలుగుతుంది. వృత్తి ఉద్యోగాల పరంగా తీసుకున్న నిర్ణయాలు లాభం చేకూరుస్తాయి. సంతానం విద్యా విషయాలలో అనుకూల ఫలితాలు పొందుతారు. ఆర్ధిక విషయాలలో పురోగతి కనిపిస్తుంది.

తుల: కొత్త రుణాలు చేయవలసి రావచ్చు. బంధు మిత్రులతో ఆకస్మిక వివాదాలు ఉంటాయి. కుటుంబ సభ్యులతో దైవదర్శనం చేసుకుంటారు. నూతన వ్యాపార ప్రారంభమునకు ఆటంకాలు కలుగుతాయి. ఉద్యోగాలలో అదనపు బాధ్యతలు పెరుగుతాయి. వాహన ప్రమాద సూచనలున్నవి.

వృశ్చికం: మొండి బాకీలు వసూలు చేసుకోగలుగుతారు. దీర్ఘకాలికంగా మిత్రులతో ఉన్న వివాదాలను సర్దుబాటు చేసుకుంటారు. వ్యాపారమున ఏర్పడిన అవరోధాలను అధిగమించి ముందుకు సాగుతారు. వృత్తి ఉద్యోగాలలో సమస్యలను సహోద్యోగుల సహాయంతో పరిష్కరించుకుంటారు.

ధనస్సు: నూతన కార్యక్రమాలకు శ్రీకారం చుడతారు. ఆలోచనలు ఆచరణలో పెట్టి ప్రశంసలు పొందుతారు. వృత్తి ఉద్యోగాలలో శ్రమకు తగిన ఫలితం కనిపిస్తుంది. దూరప్రాంత బంధువుల సమాగమం ఆనందం కలిగిస్తుంది. వ్యాపారాలు అనుకూలంగా మారతాయి.

మకరం: వ్యాపారాలలో ఊహించని ఇబ్బందులు ఉంటాయి. కుటుంబ సభ్యుల మధ్య మనస్పర్థలు కలుగుతాయి. ఉద్యోగ విషయమై శ్రమాధిక్యత పెరుగుతుంది. ఆకస్మిక ప్రయాణాల వలన శారీరక శ్రమ కలుగుతుంది. నిరుద్యోగులకు నిరాశ తప్పదు.

కుంభం: సమయానికి చేతిలో డబ్బు నిల్వ ఉండదు. భూ సంబంధిత క్రయ విక్రయాలలో వ్యతిరేక ఫలితాలు కలుగుతాయి. విద్యార్థులకు శ్రమాధిక్యత కలుగుతుంది. వృత్తి ఉద్యోగాలలో ఒత్తిడి పెరుగుతుంది. వ్యాపారాలలో చికాకులు పెరుగుతాయి.

మీనం: చేపట్టిన పనుల్లో విజయం సాధిస్తారు. ఆత్మీయుల నుంచి ఆహ్వానాలు అందుతాయి. సమాజంలో పరిచయాలు విస్తృతమౌతాయి. వాహన కొనుగోలు ఆటంకాలు తొలగుతాయి. వ్యాపారాలలో ధన లాభ సూచనలు ఉన్నవి. ఉద్యోగమున హోదాలు పెరుగుతాయి.