రాశి ఫలాలు: బుధవారం 30 మార్చి 2022

పంచాంగం

శ్రీ ప్లవనామ సంవత్సరం ఉత్తరాయణం శిశిర ఋతువు ఫాల్గుణమాసం బహుళపక్షం

సూర్యోదయం: ఉ 6:01
సూర్యాస్తమయం : సా‌.6:08
తిథి: ఫాల్గుణ బహుళ త్రయోదశి మ.1:19 నిమిషాల వరకు తదుపరి బహుళ చతుర్దశి
సంస్కృతవారం: సౌమ్య వాసరః (బుధవారం)
నక్షత్రము: శతభిషం ఉ.10:56 వరకు తదుపరి పూర్వాభాద్ర
యోగం:శుభం మ.1:15 వరకు తదుపరి శుక్లం
కరణం:వనిక్ మ.1:19 వరకు తదుపరి విష్టి
వర్జ్యం: సా.5:15 నుండి 7:50 వరకు
దుర్ముహూర్తం: ఉ.11:44 నుండి 12:32 వరకు
రాహుకాలం: మ.12:00నుండి 1:30 వరకు
యమగండం: ఉ.7:30 నుండి 9:00 వరకు
గుళికా కాలం: ఉ.10:49 నుండి మ.12:20 వరకు
బ్రాహ్మీ ముహూర్తం: తె.4:40 నుండి ఉ.5:28 వరకు
అమృతఘడియలు: రా.2:43 నుండి 4:18 వరకు
అభిజిత్ ముహూర్తం:లేదు

ఈరోజు (30-03-2022) రాశి ఫలితాలు

మేషం: ఉద్యోగమున మీ ప్రతిభ వెలుగులోకి వస్తుంది ఆప్తులతో సఖ్యతగా వ్యవహారిస్తారు. దీర్ఘ కాలిక రుణాల నుండి విముక్తి కలుగుతుంది. సంతాన విద్యా ఉద్యోగాలలో శుభవార్తలు అందుతాయి. వ్యాపారస్థులకు నూతన అవకాశాలు లభిస్తాయి. సమాజంలో గౌరవమర్యాదలకు లోటు ఉండదు.

వృషభం: కుటుంబ సభ్యులతో ఉన్న వివాదాలు పరిష్కరించుకుంటారు వృత్తి ఉద్యోగాలలో అధికారుల నుండి ఆశించిన సహకారం అందుతుంది. ముఖ్యమైన పనుల్లో స్వంత ఆలోచనలతో ముందుకు సాగుతారు వృత్తి, వ్యాపారాలలో స్థిరనిర్ణయాలు అమలు చేస్తారు ఉద్యోగులకు లభించిన అవకాశలు సద్వినియోగం చేసుకోవాలి.

మిధునం: సంతానంతో అకారణ కలహాలు కలుగుతాయి. ఋణ ఒత్తిడి వలన శిరోభాధలు తప్పవు. శ్రమాధిక్యతతో దూర ప్రయాణాలు చేయవలసి వస్తుంది. దైవ సేవా కార్యక్రమాలలో విశేషంగా పాల్గొంటారు. స్థిరాస్తి ఒప్పందాలు వాయిదా పడతాయి.వృత్తి ఉద్యోగాలలో సమస్యాత్మక వాతావరణం ఉంటుంది.

కర్కాటకం: చిన్నపాటి ఆరోగ్య సమస్యలు బాధిస్తాయి మిత్రులపై మీ అభిప్రాయాన్ని మార్చుకుంటారు అనుకున్న సమయానికి పనులు పూర్తి చేయలేరు. కుటుంబ సభ్యులతో చిన్నపాటి వివాదాలు కలుగుతాయి. ఉద్యోగాల్లో అధికారుల ఆగ్రహానికి గురికావాల్సి వస్తుంది. వ్యాపారాలు మందకొడిగా సాగుతాయి.

సింహం: సమాజంలో కీర్తిప్రతిష్టలు పెరుగుతాయి.ధన పరంగా చేసే ప్రయత్నాలు అనుకూల ఫలితాలు ఇస్తాయి. బంధుమిత్రుల సమాగమం ఆనందం కలిగిస్తుంది. అందరితో సఖ్యతగా వ్యవహరించి ఆకట్టుకుంటారు. నూతన వాహన యోగం ఉన్నది. జీవిత భాగస్వామితో పుణ్యక్షేత్రాలు సందర్శిస్తారు.

కన్య: దీర్ఘ కాలిక అనారోగ్య సమస్యల నుండి ఉపశమనం లభిస్తుంది ఆకస్మిక ధనలాభ సూచనలున్నవి. బంధు మిత్రుల సహాయ సహకారాలు అందిస్తారు. వ్యాపారాలు మరింత ఉత్సాహంగా సాగుతాయి. నిరుద్యోగ ప్రయత్నాలు అనుకూలిస్తాయి. వృత్తి ఉద్యోగాలలో అధికారుల నుండి ప్రశంసలు అందుకుంటారు.

తుల: చేపట్టిన పనులు మందగిస్తాయి. కొందరి ప్రవర్తన మానసికంగా బాధిస్తాయి. విలువైన వస్తువులు విషయంలో జాగ్రత్తగా వ్యవహరించాలి. వ్యాపారాలలో తీసుకున్న నిర్ణయాలు అంతగా కలిసిరావు. ఉద్యోగమున బాధ్యతలు సరిగా నిర్వహించలేరు. కుటుంబ వ్యవహారాలలో ఆలోచనలలో స్థిరత్వం ఉండదు.

వృశ్చికం: బంధు మిత్రులతో మాటపట్టింపులుంటాయి. చేపట్టిన పనులలో జాప్యం కలుగుతుంది. నూతన వాహనం కొనుగోలు ప్రయత్నాలు మందకొడిగా సాగుతాయి. కుటుంబ పెద్దల ఆరోగ్య విషయంలో అప్రమత్తంగా ఉండాలి. అవసరానికి చేతిలో డబ్బు నిల్వ ఉండదు. వృత్తి వ్యాపారాలు సామాన్యంగా సాగుతాయి.

ధనస్సు: నూతన వస్త్ర ఆభరణాలు కొనుగోలు చేస్తారు. అన్ని వైపుల నుండి అనుకూల వాతావరణం ఉంటుంది ముఖ్యమైన పనులలో ధైర్యంగా నిర్ణయాలను తీసుకుని లాభాలు అందుకుంటారు నూతన వ్యాపార ప్రారంభానికి అవరోధాలు తొలగుతాయి. సోదరుల నుండి ఊహించని ధన సహాయం అందుతాయి.

మకరం: ఆర్థికంగా ప్రతికూల వాతావరణం ఉంటుంది. ఇతరుల నుండి ఊహించని విమర్శలు కలుగుతాయి. అనవసర వస్తువులపై ధనవ్యయం చేస్తారు. నేత్ర సంబంధిత అనారోగ్య సమస్యలు బాధిస్తాయి వృత్తి ఉద్యోగాలలో నిరుత్సాహ వాతావరణం ఉంటుంది.బంధు మిత్రులతో మాటపట్టింపులుంటాయి.

కుంభం: నిరుద్యోగులకు నూతన ఉద్యోగ లాభం కలుగుతుంది. సమాజంలో గౌరవ మర్యాదలు పెరుగుతాయి. బంధు మిత్రుల నుండి విలువైన వస్తువులు బహుమతులుగా పొందుతారు. మిత్రులతో విందు వినోద కార్యక్రమాల్లో ఉత్సాహంగా పాల్గొంటారు. సంతానం విద్యా విషయాలు సంతృప్తికరంగా సాగుతాయి.

మీనం: వృధా పెరుగుతాయి. ఇంటా బయట కొన్ని వ్యవహారాలలో జాగ్రత్తగా ఉండాలి. ప్రయాణాలలో మార్గ అవరోధాలు కలుగుతాయి. ఆర్థిక వ్యవహారాలలో తొందరపాటు నిర్ణయాలు మంచిది కావు. వృత్తి ఉద్యోగాలలో స్థానచలన సూచనలున్నవి. ఇతరులతో వివాదాలకు దూరంగా ఉండటం మంచిది.