సీఎం క్యాంప్ ఆఫీస్ ముందు దంపతుల ఆత్మహత్యాయత్నం

ఏపీ సీఎం క్యాంప్ అఫీసు దగ్గర దంపతుల ఆత్మహత్యాయత్నం కలకలం రేపింది. కృష్ణా జిల్లాకు చెందిన నరేశ్, సరస్వతి దంపతులు ఆర్థిక ఇబ్బందులతో సీఎం జగన్ ను కలిసేందుకు దంపతులు వచ్చారు. ఇదే విషయాన్ని సెక్యూరిటీ సిబ్బందికి వివరించగా కొవిడ్ కారణంగా కలవడం కుదరదని చెప్పారు. లిఖిత పూర్వక ఫిర్యాదు ఇస్తే పత్రాన్ని ఆఫీసులో అందజేస్తామని అన్నారు.

దీంతో సమీపంలోని భరతమాత విగ్రహం వద్ద వారు ఆత్మహత్యాయత్నం చేశారు. తమ వెంట తెచ్చుకున్న పెట్రోల్ ను ఒంటిపై పోసుకుని నిప్పు అంటించుకోబోయారు. మహిళకు ఫిట్స్ సమస్య కూడా ఉండడంతో వెంటనే పోలీసులు వారిని తాడేపల్లిలోని ప్రైమరీ హెల్త్ సెంటర్ కు తరలించారు.