వివాదాలతో వార్తల్లో నిలుస్తున్న మూవీ ఆర్టిస్ట్స్ అసోసియేషన్ (మా) లో మరో రచ్చ చెలరేగింది. గురువారం పార్క్ హయత్ హోటల్ లో జరిగిన మా డైరీ ఆవిష్కరణ కార్యక్రమంలో విభేదాలు బయటపడ్డాయి. ఈ కార్యక్రమానికి సుబ్బరామిరెడ్డితోపాటు చిరంజీవి, మోహన్ బాబు, కృష్ణంరాజు, మురళీ మోహన్, రాజశేఖర్, నరేష్, పరుచూరి గోపాలకృష్ణ తదితరులు హాజరయ్యారు. ఈ సందర్భంగా చిరంజీవి మాట్లాడుతూ.. ఇటీవల ‘మా’లో చోటు చేసుకున్న పరిణామాలపై ఆవేదన వ్యక్తం చేశారు.
మా గురించి మంచి ఉంటే మైకులో చెబుదామని, చెడు ఉంటే చెవిలో చెప్పుకుందామని వ్యాఖ్యానించారు. దూకుడుగా వెళ్తే సమస్యలు తప్పవని, నిర్మాణాత్మకంగా వ్యవహరించాలని సూచించారు. పొరుగు రాష్ట్రం తమిళనాడుకు చెందిన నడిగర్ సంఘం భారీగా నిధులు సేకరిస్తోందని, కానీ మా మాత్రం అలా వ్యవహరించలేకపోతోందన్నారు. ఈ నేపథ్యంలో అందరం కలిసి నిర్మాణాత్మకంగా ముందుకు వెళదామని సూచించారు. అయితే, చిరంజీవి మాట్లాడుతున్నప్పుడు రాజశేఖర్ పదేపదే ఆయన ప్రసంగానికి అడ్డు తగిలారు. చిరంజీవి నుంచి మైక్ తీసుకుని మాట్లాడుతూ.. మా పై విమర్శలు చేశారు.
మా వ్యవహారం వల్ల తన కుటుంబంలో గొడవలు కూడా వచ్చాయని, తనకు కారు ప్రమాదం కూడా జరిగిందని పేర్కొన్నారు. ఇండస్ట్రీలో నిప్పు రాజేశారని, కప్పేస్తే దాగేది కాదని వ్యాఖ్యలు చేశారు. ఈ సందర్భంగా వేదికపై ఉన్నవారందరి కాళ్లు మొక్కిన రాజశేఖర్.. మా పై విమర్శలు చేసి వేదిక దిగి వెళ్లిపోయారు. తాను మాట్లాడుతుండగా రాజశేఖర్ మైక్ తీసుకోవడంపై చిరంజీవి తీవ్ర అసంతృప్తి వ్యక్తంచేశారు. తాను తప్పుగా ఏమీ మాట్లాడలేదన్నారు. మంచి ఉంటే మైకులో చెబుదామని, చెడు ఉంటే చెవిలో చెప్పుకుందామని మాత్రమే అన్నానని చెప్పారు. కార్యక్రమాన్ని రసాభాస చేయడానికే రాజశేఖర్ అలా వ్యవహరించినట్టుగా ఉందని విమర్శించారు.
తమకు గౌరవం ఇవ్వనప్పుడు ఎందుకు పిలవాలని అని ప్రశ్నించారు. రాజశేఖర్ వ్యాఖ్యలను తీవ్రంగా ఖండిస్తున్నానని, ఆయనపై క్రమశిక్షణ చర్యలు తీసుకోవాల్సిందేనని స్పష్టంచేశారు. అనంతరం కృష్ణంరాజు కూడా దీనిని సమర్ధించారు. మోహన్ బాబు మాట్లాడుతూ.. చిరంజీవి ఏమీ తప్పుగా మాట్లాడలేదన్నారు. ఈ గొడవ నేపథ్యంలో గంభీరంగా మారిన వాతావరణాన్ని మోహన్ బాబు తనదైన శైలిలో చల్లబరిచారు. ఆయన మాట్లాడుతూ.. చిరంజీవిపై జోకులు వేశారు. దీనికి చిరంజీవి కూడా సరదాగా స్పందిస్తూ.. మోహన్ బాబుని ఆలింగనం చేసుకుని ముద్దు కూడా పెట్టారు. త్వరలోనే రాజశేఖర్ పై క్రమశిక్షణ చర్యలు తీసుకునే అవకాశం ఉంది.
764527 825406Hey, you?re the goto expert. Thanks for haingng out here. 718144
841498 284167Some genuinely good stuff on this internet website , I it. 327585
325784 59020I undoubtedly enjoyed the method that you explore your experience and perception of the area of interest 603616