చిరంజీవి సినిమాల్లో పవన్ కళ్యాణ్ కన్పించడం కొత్తేమీ కాదు. ‘శంకర్ దాదా ఎంబీబీఎస్’ సినిమాలోని ఓ పాటలో పవన్ కళ్యాణ్ తళుక్కున మెరిశాడు. ఆ తర్వాత ‘శంకర్ దాదా జిందాబాద్’ సినిమాలో అయితే చిరంజీవి కోసం ఓ ఫైట్ కూడా చేసేశాడు. తెరవెనుకాల చిరంజీవికి ‘డాడీ’ సినిమా కోసం పవన్ ఓ యాక్షన్ ఎపిసోడ్ని డిజైన్ చేసిన విషయం విదితమే. ‘సైరా నరసింహారెడ్డి’ సినిమాకి పవన్ వాయిస్ ఓవర్ అందించడమూ తెలిసిన విషయమే. మరి, ఈ ఇద్దరూ కలిసి ఓ మల్టీస్టారర్ చేస్తే.? అభిమానులకి ఓ రేంజ్లో పండగవుతుంది.
కానీ, ఆ దిశగా ప్రయత్నాలు బెడిసికొడుతూనే వున్నాయి. సీనియర్ పొలిటీషియన్, నిర్మాత సుబ్బిరామిరెడ్డి తాను చిరంజీవి – పవన్ కళ్యాణ్తో ఓ సినిమా రూపొందిస్తున్నట్లు చాలాకాలం క్రితం ప్రకటించిన విషయం విదితమే. అది ప్రకటనకే పరిమితమయ్యింది. తాజాగా, పవన్ కళ్యాణ్తో సినిమా విషయమై చిరంజీవిని ప్రశ్నిస్తే, ‘నేను రెడీ..’ అనేశారు. ‘కథ కుదిరితే మేం ఇద్దరం నటిస్తాం.. నేనే కాదు, పవన్ కూడా సిద్ధమే’ అని ప్రకటించేశారు మెగాస్టార్. దాంతో, బోల్డన్ని ఊహాగానాలు షురూ అయిపోతున్నాయి.
హరీష్ శంకర్, త్రివిక్రమ్ శ్రీనివాస్, కొరటాల శివ.. ఇలా పలువురు దర్శకుల్ని లింకప్ చేస్తూ గాసిప్స్ ప్రచారంలోకి వచ్చేశాయి. దర్శకుల సంగతెలా వున్నా, పవన్ కళ్యాణ్ గనుక ఓకే చెబితే ఆ మెగా పవర్ మల్టీస్టారర్ మాత్రం కొణిదెల ప్రొడక్షన్ కంపెనీ బ్యానర్లోనే వుండబోతోందన్నది అత్యంత విశ్వసనీయ వర్గాల సమాచారం. కొణిదెల బ్యానర్తోపాటు, పవన్ కళ్యాణ్ క్రియేటివ్ వర్క్స్ కూడా ఈ సినిమా నిర్మాణంలో భాగం పంచుకుంటుందట.
పవన్ కళ్యాణ్ మళ్ళీ సినిమాల్లో నటించాలని చిరంజీవి బలంగా కోరుకుంటున్నారు. ఈ నేపథ్యంలోనే చిరంజీవి, తన తమ్ముడితో మల్టీస్టారర్పై ఇంత ఓపెన్గా కాన్ఫిడెంట్గా ప్రకటించారు. పవన్ మాత్రం, రాజకీయాల కారణంగా తిరిగి సినిమాల్లో నటించలేనని చెబుతున్నారు. చూద్దాం.. ఏం జరుగుతుందో ఏమో.!
408997 575984You got a really amazing internet site, Glad I observed it by way of yahoo. 496396
881378 965704Intriguing post. Positive that Ill come back here. Great function. 339467
37984 398375There is visibly a bunch to know about this. I believe you produced various very good points in features also. 462519
320129 918072You produced some decent points there. I looked online for your problem and located most people will go together with with the site. 585608