జనసేన అధినేత పవన్ కళ్యాణ్ వెంటే వుంటారు మెగాస్టార్ చిరంజీవి. ఇందులో తప్పేముంది.? తమ్ముడికి అన్నగా ‘సాయం’ చేయకుండా వుంటారా.? ‘నా తమ్ముడికి బహుశా నా సాయం అవసరం వుండకపోవచ్చు..’ అని పలు సందర్భాల్లో చిరంజీవి చెప్పారనుకోండి.. అది వేరే సంగతి.
చిరంజీవి మాత్రమే కాదు, రామ్ చరణ్ కావొచ్చు.. వరుణ్ తేజ్ కావొచ్చు.. సాయి ధరమ్ తేజ్ కావొచ్చు.. వీళ్ళే కాదు, అల్లు అర్జున్ కూడా.. అవసరమైతే, జనసేన తరఫున మాట్లాడతారు. కానీ, ఆ అవసరం వచ్చే పరిస్థితుల్ని జనసేనాని దాదాపుగా పక్కన పెట్టేస్తారు.
ఔను, తన రాజకీయం వల్ల చిరంజీవి కావొచ్చు, ఇంకెవరైనా కావొచ్చు.. ఇబ్బంది పడకూడదన్నది పవన్ కళ్యాణ్ ఆలోచన. ఆ విషయాన్నే వరుణ్ తేజ్ చాలా సందర్భాల్లో చెప్పాడు. రామ్ చరణ్, సాయి ధరమ్ తేజ్ కూడా అంతే. కానీ, పదే పదే వ్యక్తిగతంగా పవన్ కళ్యాణ్ని రాజకీయ ప్రత్యర్థులు, అడ్డమైన వ్యక్తులూ తిడుతోంటే.. రక్త సంబంధాలు కదా.. ఊరుకుంటాయా.?
ఇక, పవన్ కళ్యాణ్ పుట్టినరోజునాడు మెగాస్టార్ చిరంజీవి ఓ ఇంట్రెస్టింగ్ ట్వీట్ చేశారు. ‘జన హితమే లక్ష్యంగా.. వారి ప్రేమే ఇంధనంగా.. నిరంతరం సాగే నీ ప్రయాణంలో నీ ఆశయాలు సిద్ధించాలని ఆశిస్తూ.. ఆశీర్వదిస్తూ.. ఉన్నత భావాలు, గొప్ప సంకల్పాలు వున్న ఈ జన హృదయ సేనాని నా తమ్ముడైనందుకు గర్విస్తూ..’ అంటూ పేర్కొన్నారు చిరంజీవి.. పుట్టినరోజు శుభాకాంక్షలు తెలుపుతూ.
జన హృదయ నేత.. జన హితమే లక్ష్యంగా.. అని చిరంజీవి పేర్కొనడం వెనుక, పవన్ కళ్యాణ్ రాజకీయంపై చిరంజీవికి వున్న భావన ఎలాంటిదన్నది స్పష్టం చేసేసింది. ‘జన హృదయ సేనాని నా తమ్ముడైనందుకు గర్విస్తూ..’ అంటూ ఆశీస్సులు అందించడమంటే, జనసేనానికి రాజకీయంగా చిరంజీవి మద్దతు పలికినట్టే.
పవన్ కళ్యాణ్ రాజకీయాలు చూసి, చిరంజీవి నొచ్చుకుంటున్నారంటూ.. కొందరు చేసే అర్థం పర్థం లేని విమర్శలకు చిరంజీవి ట్వీటు, ‘కుక్క కాటుకి చెప్పు దెబ్బ’ లాంటి సమాధానం చెప్పినట్లయ్యింది.
Dearest Kalyan Babu ,
జన హితమే లక్ష్యంగా, వారి ప్రేమే ఇంధనంగా నిరంతరం సాగే నీ ప్రయాణంలో,
నీ ఆశయాలు సిద్ధించాలని ఆశిస్తూ,ఆశీర్వదిస్తూ,ఉన్నత భావాలు, గొప్ప సంకల్పాలు ఉన్న ఈ జన హృదయ సేనాని నా తమ్ముడైనందుకు గర్విస్తూ,
నీకు జన్మదిన శుభాకాంక్షలు! 💐💐💐
Happy Birthday… pic.twitter.com/pkry6DtwGA
— Chiranjeevi Konidela (@KChiruTweets) September 2, 2023