బాబుగారు పవన్ పై ఇంత ప్రేమేంటో మీకు…

2014లో పవన్ సపోర్ట్ చేయడం వలన గెలుపొందామని బాబు ఎన్నోసార్లు చెప్పారు. చాలాసార్లు చంద్రబాబు పవన్ కళ్యాణ్ గురించి గొప్పగా చెప్పుకుంటూ వచ్చాడు. కానీ, ఎప్పుడైతే బాబుగారు ఇచ్చిన హామీల విషయంలో వెనక్కి తగ్గడం మొదలుపెట్టారో అప్పటి నుంచి పవన్ కు బాబుకు మధ్య దూరం పెరుగుతూ వచ్చింది. ఈ దూరం 2019 ఎన్నికలకు ముందు మరింతగా పెరిగింది. ఒకవేళ గత ఎన్నికలకు ముందు బాబు సక్రమంగా ఉండి ఉంటె… బీజేపీతో కాకపోయినా కనీసం పవన్ తో పొత్తుపెట్టుకొని ఉంటె… ఈ స్థాయిలో బాబు ఓటమిపాలయ్యేవాడు కాదు.

అటు పవన్ కూడా తప్పకుండా విజయం సాధించేవాడు. పవన్అసెంబ్లీలోకి అడుగుపెడితే అక్కడ విషయం మరోలా ఉండేది అనడంలో సందేహం అవసరం లేదు. నిన్నటి రోజున అసెంబ్లీలో పవన్ గురించి రోజా చేసిన వ్యాఖ్యలపై పవన్ అసెంబ్లీలోనే స్పందించేవారు. పవన్ అడిగే ప్రశ్నలకు అక్కడ ప్రభుత్వం ఎలాంటి సమాధానం చెప్పేదో ఆలోచనలకు కూడా అందడం లేదు.

ఇకపోతే, ఆలోచనలు పక్కన పెడితే… ఈ ఎన్నికల్లో బాబుగారి, పవన్ ఓటమి పాలయ్యాయి. దానికి ఎవరూ ఏమిచేయలేరు. అది వేరే విషయం అనుకోండి. ఓటమి తరువాత పవన్ కళ్యాణ్ తన పార్టీని ఎత్తేస్తారని వార్తలు వచ్చాయి. కానీ, ఆ వార్తల్లో ఎలాంటి నిజం లేదు. వార్తలు పట్టించుకోవలసిన అవసరం కూడా లేదు. ఎన్నికల తరువాత పవన్ తన వాయిస్ పెంచాడు. అందుకే పవన్ మాట్లాడే మాటలకు అధికారంలో ఉన్న పార్టీ కౌంటర్ ఇస్తున్నది. తెలుగుదేశం గురించి కూడా పెద్దగా పట్టించుకోని వైకాపా.. ఒక్క సీటు మాత్రమే గెలుచుకున్న జనసేన పార్టీని చూసి జంకుతున్నది. పవన్ కళ్యాణ్ పై నిన్నటి రోజున అసెంబ్లీలో వ్యాఖ్యలు చేసిన తరువాత బాబుగారు ఆ వ్యాఖ్యలను తప్పుపట్టారు.

పవన్ ఎవరికీ ఎలాంటి హాని తలపెట్టని వ్యక్తిగా అభివర్ణించాడు. పవన్ ప్రజాక్షేత్రంలో ప్రజల తరువాత పోరాటం చేస్తున్నారు తప్పించి తన సొంత విషయాల కోసం పోరాటం చేయడం లేదని బాబు చెప్పడం విశేషం. రోజా, జగన్ చేసిన వ్యాఖ్యలను తప్పుపడుతూ పవన్ కు సపోర్ట్ గా బాబు ఉండటం పట్ల అనేక అనుమానాలు కలుగుతున్నాయి. పవన్ బాబుకు దగ్గరవుతున్నారా లేదంటే బాబే పవన్ కోసం ఆరాటపడుతున్నారా చూద్దాం.