‘సైరా నరసింహారెడ్డి’ సినిమాకి ఫస్ట్ రివ్యూ అప్పుడే వచ్చేయడం అభిమానులకి బోల్డంత కిక్‌ ఇస్తోంది. ఇంతకీ, ఈ రివ్యూ ఎక్కడినుంచి వచ్చింది.? సినిమా తొలుత చూసి, రివ్యూ రాసింది ఎవరు.? ఇటీవలి కాలంలో సినిమాలకి ఫస్ట్ రివ్యూ, గల్ఫ్‌ దేశాల నుంచి వస్తోంది. అక్కడ సెన్సార్‌ బోర్డ్‌ మెంబర్‌గా వున్న ఉమైర్‌ సంధు అనే జర్నలిస్ట్‌ ఒకరు తొలుత ట్వీట్‌ ద్వారా రివ్యూలు ఇచ్చేస్తున్నాడు. అయితే, సింగిల్‌ సెంటెన్స్‌ రివ్యూలు మాత్రమే. వీటిని రివ్యూలనడం కంటే అభిప్రాయం అనడం బెటరేమో. అయితే, ఒక్కోసారి రేటింగులు కూడా ఇచ్చేస్తాడు గనుక, రివ్యూలని అనక తప్పడంలేదు.
ఇక, ‘సైరా’ గురించి ఉమైర్‌ సంధు ఏం చెప్పాడో తెలుసా.? బ్లాక్‌ బస్టర్‌ మూవీ అని. చిరంజీవి నటన అద్భుతమనీ, ఆయన లైఫ్‌ టైమ్‌ పెర్ఫామెన్స్‌ ఇచ్చారనీ, ఈ నేపథ్యంలో తాను ‘స్టాండింగ్‌ ఒవేషన్‌’ ఇస్తున్నాననీ పేర్కొన్నాడు ఒమర్‌ సంధు. సినిమా చూశాక తన పరిస్థితి స్పీచ్‌లెస్‌గా మారిందనీ, సినిమా అంత అద్భుతంగా వుందనీ ఒమర్‌ సంధు పేర్కొనడంతో అభిమానుల ఆనందానికి ఆకాశమే హద్దుగా మారింది. అయితే, ‘ఇది నిజమేనా.? నిన్ను నమ్మచ్చా.?’ అని కొందరు అభిమానులు అతన్ని ప్రశ్నిస్తున్నారు.
‘సాహో’ సినిమాకి కూడా ఒమైర్‌ సంధు ఇలాంటి రివ్యూనే ఇచ్చాడు. ‘బాహుబలి’ పరిస్థితీ అంతే. అయితే, చాలా సందర్భాల్లో అతని ఎక్స్‌పెక్టేషన్స్‌ నిజమయ్యాయి గనుక, ‘సైరా నరసింహారెడ్డి’పై ఉమైర్‌ సంధు రివ్యూలకి ఇప్పుడు బోల్డంత క్రేజ్‌ వచ్చిపడింది. ఏదిఏమైనా, సురేందర్‌రెడ్డి దర్శకత్వంలో చిరంజీవి హీరోగా రామ్‌చరణ్‌ నిర్మించిన ‘సైరా నరసింహారెడ్డి’ సినిమా అసలు రిజల్ట్‌ తెలియాలంటే ఇంకొన్ని రోజులు వేచి చూడాల్సిందే. అందరికంటే ముందుగా, పూర్తి వివరాలతో ఫస్ట్ రివ్యూ కోసం తెలుగు బులెటిన్‌ డాట్‌ కామ్‌ని చూస్తూ వుండండి.
Done with Overseas Censor Screening of #SyraaNarashimaReddy & Totally SPEECHLESS !! STANDING OVATION by me ???? ! BLOCKBUSTER HIT ! #SyeRaa ?
— Umair Sandhu (@UmairFilms) September 26, 2019