ఒకదాన్ని మించిన వీడియో ఇంకోటి.! అసలు ఇలాంటివి ఎలా తయారు చేస్తారబ్బా.? బిగ్ బాస్ తెలుగు రియాల్టీ షో ఏడో సీజన్‌కి సంబంధించి ఫైనలిస్టులుగా వున్న కంటెస్టెంట్ల తాలూకు వీడియోలు ఒకటొకటిగా ప్లే అవుతున్నాయ్.!
ఇన్ని రోజులపాటు హౌస్‌లో వుండటమంటే చిన్న విషయం కాదట.! చాలా చాలా కష్టపడిపోయారట కంటెస్టెంట్లు.! ఏం కష్టపడ్డారబ్బా.? కుటుంబ సభ్యులతో కలిసే అవకాశం లేకపోవడమా.? మొబైల్ ఫోన్లు, సోషల్ మీడియాకి దూరంగా వుండటమా.? అని జనం ప్రశ్నించడం మామూలే.
అసలు, బిగ్ బాస్ తెలుగు రియాల్టీ షో ద్వారా వీక్షకులకు ఎంటర్టైన్మెంట్ లభించి ఎన్నాళ్ళయ్యింది.? ఎన్నో సీజన్లుగా ఆ ఎంటర్టైన్మెంట్ మిస్ అవుతూ వస్తోంది. చెత్త టాస్కులు, పనికిమాలిన గొడవలు.. వీటికి తోడు కంటెస్టెంట్ల నోటి వెంట బూతులు.. ఇదే వ్యవహారం బిగ్ బాస్‌కి వీక్షకుల్ని దూరం చేసింది.
ఒక్కో కంటెస్టెంట్ తాలూకు వీడియో ప్లే అవుతోంటే, జనం ముక్కున వేలేసుకుంటున్నారు. వాటికి అతికించిన బ్యాక్‌గ్రౌండ్ స్కోర్ చూసి నవ్వుకుంటున్నారు. వీరాధి వీర.. అన్నట్టుగా ఒక్కో కంటెస్టెంటుకీ బిగ్ బాస్ విపరీతమైన ఎలివేషన్ ఇస్తున్న తీరు నవ్వులపాలవుతోంది.
నిజమే, ఒకదాన్ని మించి ఇంకోటి కామెడీ అయిపోతోంది. మామూలుగా అయితే, ఈ తరహా వీడియోలు చూస్తే, ఎవరైనా ఒకింత ఎమోషనల్ అవుతారు. అంతలా వాటిని డిజైన్ చేస్తారు. నిజానికి, వీడియోల మేకింగ్‌లో పెద్దగా ఆక్షేపించాల్సిందేమీ లేదు. కాకపోతే, కంటెస్టెంట్లు హౌస్‌లో చేసిందేమీ లేదు. లేనిదానికి ఇచ్చిన ఎలివేషనే కామెడీ అయిపోతోందిక్కడ.
జస్ట్ కొన్ని రోజులే.. ఖేల్ ఖతమ్.! ఎవరో ఒకరు కప్పు కొట్టుకెళ్ళిపోతారు. శివాజీకే కప్పు.. అని భావించొచ్చు. దాన్ని యావర్‌కి శివాజీ త్యాగం చేసేస్తాడా.? పల్లవి ప్రశాంత్‌కి ఇచ్చేస్తాడా.? అన్నదానిపైనా బోల్డన్ని డౌటానుమానాలున్నాయ్.