అసలు ఇతను కంటెస్టెంట్ ఏంటి.? అని మొదటి మూడు వారాల్లో రాహుల్ సిప్లిగంజ్ని చూసినవారంతా అనుకున్నారు. నిజానికి, పది వారాలు పూర్తయినా రాహుల్ సిప్లిగంజ్ ఆటిట్యూడ్లో మార్పు రాలేదు. ఫేక్ ఎలిమినేషన్ ద్వారా బయటకు వెళ్ళాడు, అంతలోనే హౌస్లోకి వచ్చాడు. ఆ ఒక్కరోజు, హౌస్లో పరిస్థితుల్ని చాలా బాగా అర్థం చేసుకున్నాడు రాహుల్ సిప్లిగంజ్.
ఆ తర్వాత రాహుల్లో అనూహ్యమైన మార్పులొచ్చాయి. అదే, టాప్-5 లీగ్లోకి అతన్ని తీసుకెళ్ళాయని నిస్సందేహంగా చెప్పొచ్చు. రాహుల్కి వ్యతిరేకత ఎంత వున్నా, అంతకు మించిన అనుకూలతలున్నాయి బిగ్బాస్ 3 టైటిల్ గెలవడానికి. నిజానికి, రాహుల్లోని సూపర్బ్ సింగర్ని బిగ్బాస్ సరిగ్గా వాడుకోలేదు. లేకపోతే, రాహుల్ ఇమేజ్ ఇప్పుడు ఇంకో లెవల్లో వుండేది. బహుశా రాహుల్కి ఇంకెవరూ పోటీ వుండేవారు కాదేమో.
అయితే, రాహుల్కీ కొన్ని మైనస్లు వున్నాయి. చివరి రోజుల్లో గేమ్ ప్లాన్ పేరుతో.. కన్నింగ్ యాక్టివిటీస్ చాలానే చేశాడు. ఒక్కొక్కరితో ఒక్కోలా మాట్లాడటం మొదలు పెట్టాడు. మరీ ముఖ్యంగా గ్రూప్ మార్చేశాడు. పునర్నవి ఎప్పుడైతే ఎలిమినేట్ అయిపోయిందో, ఆ వెంటనే రాహుల్.. శ్రీముఖి గ్యాంగ్లో చేరిపోయాడు. ‘వరుణ్ని బెస్ట్ ఫ్రెండ్’ అని అభివర్ణించిన రాహుల్, పూర్తిగా వరుణ్ని పక్కన పడేయడమే కాదు, వరుణ్కి యాంటీగా కూడా మారిపోయినట్లు కనిపించింది.
ప్లస్సులూ, మైనస్సులూ అందరికీ సహజమే అన్నట్లు.. రాహుల్కి కూడా అదే పరిస్థితి. కానీ, గ్రాఫ్ ఒక్కసారిగా అనూహ్యమైన రీతిలో పెరగడం, దానికి అభిమానుల నుంచి మద్దతు లభించడం.. ఇవన్నీ రాహుల్కి బిగ్గెస్ట్ అడ్వాంటేజెస్ అని చెప్పొచ్చు. రీ-యూనియన్లో భాగంగా నిన్న పునర్నవి, రాహుల్తో మాట్లాడుతూ గ్రూపులు మార్చడం, గేమ్ ప్లాన్లు అమలు చేయడంపై చేసిన వ్యాఖ్యలు.. రాహుల్లో మార్పుని సూచిస్తున్నాయి. ఈ మార్పులు టైటిల్ ఆయనకు దక్కేలా చేస్తాయా? ఆదివారం తేలుతుంది.