మొదటి సీజన్కి శివ బాలాజీ, రెండో సీజన్కి కౌశల్ మండా విజేతలుగా నిలిచిన దరిమిలా, బిగ్బాస్ తెలుగు మూడో సీజన్కి ఓ మహిళను ‘బాస్’గా చెయ్యాలనుకుంటున్నారా.? ఔననే సమాధానం శ్రీముఖి మద్దతుదారుల నుంచి విన్పిస్తోంది సోషల్ మీడియాలో.. అదీ ఓ రేంజ్లో. ఈ సీజన్కి సంబంధించి సోషల్ మీడియాలో ఎక్కువమంది ‘సైన్యం’ వున్న కంటెస్టెంట్ శ్రీముఖినే. మొత్తంగా బిగ్బాస్ని ఆమె స్టడీ చేసేసిన తర్వాతనే, బిగ్బాస్-3కి ఓకే చెప్పిందట. అందుకు తగ్గట్టే హౌస్లో ఆమె గేమ్ ప్లానింగ్ కన్పిస్తోంది.
అందరితోనూ కలుపుగోలుగా వుండడం, అదే సమయంలో అందరికీ సమదూరం పాటించడం శ్రీముఖి గేమ్ ప్లాన్. రాహుల్ సిప్లిగంజ్తో మాత్రమే ఆమెకు ఎక్కువ గొడవలు జరిగాయి. అయితే చివరి వారానికొచ్చేసరికి.. ఆ గొడవలూ అటకెక్కేశాయి. ఎంటర్టైన్మెంట్ పరంగా శ్రీముఖి గురించి కొత్తగా చెప్పాల్సిన పనిలేదు. ఆమె మంచి ఎంటర్టైనర్. దాదాపుగా ఏ రోజూ ఆమె డాన్స్ని మనం మిస్ అవలేదు ఈ సీజన్లో.
కాస్ట్యూమ్స్ విషయంలో చాలా హాట్గా కన్పిస్తూనే, చాలా వైబ్రెంట్గానూ కన్పించిందది శ్రీముఖి. అయితే టాస్క్ల విషయానికి వచ్చినప్పుడు చాలాసార్లు ఆమె ‘వ్యూహకర్త’ స్థానానికే పరిమితమైపోయింది. చిన్న టాస్క్లు సోలోగా ఆడాల్సి వస్తే చేతులెత్తేసింది కూడా. ఆ ఒక్కటీ మినహాయిస్తే, బిగ్బాస్ 3 విన్నర్ అయ్యేందుకు అన్ని అర్హతలూ ఆమెకు వున్నాయన్నది నిర్వివాదాంశం.
మరోపక్క, హోస్ట్ నాగార్జునని పొగడ్తలతో ముంచెత్తేయడం, నాగ్ కూడా శ్రీముఖికి క్లాస్ తీసుకోవాల్సి వచ్చినప్పుడు ఆచి తూచి వ్యవహరించడం.. ఇవన్నీ శ్రీముఖిని ‘స్పెషల్ కంటెస్టెంట్’ అనేలా చేశాయి. మహిళా కోటాలో ఈసారి విన్నర్ని ఎంపిక చేస్తే, వేరే ఆప్షన్ లేదు.. శ్రీముఖి విన్నర్ అయి తీరాల్సిందే. ఒకవేళ అలాంటి వెసులుబాట్లు ఏమీ లేకపోయినా, ఆమె టాప్ 3 కంటెస్టెంట్స్లో ఒకరు. సో, టైటిల్ విన్ అయ్యే ఛాన్సెస్ శ్రీముఖికి చాలా ఎక్కువగా వున్నాయ్.