హెచ్‌1బీ వీసాదారుల జీవిత భాగస్వామ్యులకు బైడెన్ గుడ్ న్యూస్‌

అమెరికా కొత్త అధ్యక్షుడు అనుకున్నట్లుగానే హెచ్‌1 వీసాదారులకు గుడ్‌ న్యూస్‌ తెలియజేశారు. ఒబామా అధికారంలో ఉన్న సమయంలో హెచ్‌1 బీ వీసాదారుల జీవిత భాగస్వామ్యులు (భార్య లేదా భర్త) అమెరికాలో ఉద్యోగం చేసుకునేందుకు అనుమతులు ఇచ్చారు. హెచ్‌1 వీసాదారుల జీవిత భాగస్వామ్యులకు హెచ్‌4 వీసాలు ఇస్తారు. హెచ్‌4 వీసాలతో ఉద్యోగాలు చేసుకోవద్దు అంటూ ట్రంప్ అధికారంలోకి వచ్చిన వెంటనే ఆదేశాలు ఇచ్చారు. దాంతో చాలా మంది వలస వెళ్లిన వారు ఇబ్బందులు ఎదుర్కొన్నారు.

హెచ్‌1 బీ వీసాదారుల కోసం జో బైడెన్‌ అధికారంలోకి వచ్చిన వారం రోజుల లోపే హెచ్‌4 వీసా దారులు ఉద్యోగం చేసుకునేందుకు అనుమతులు ఇవ్వడం జరిగింది. దాంతో లక్షలాది మంది హెచ్‌ 1 బీ వీసాదారుల కుటుంబాలు ఆనందం వ్యక్తం చేస్తున్నాయి. ఇండియాకు చెందిన వారు చాలా మంది ప్రస్తుతం హెచ్‌ 4 వీసాతో కొనసాగుతున్నారు. వారికి ఈ నిర్ణయం చాలా ఉపశమనం కలిగిస్తుందని అంటున్నారు. ట్రంప్‌ తీసుకున్న పలు నిర్ణయాలను బైడెన్‌ రద్దు చేస్తున్నాడు. అందులో ఇది ఒకటి.