Bhagavanth Kesari: బాలకృష్ణ (Bala Krishna) అభిమానులు ఎప్పుడెప్పుడా అని ఆసక్తిగా ఎదరుచూసిన ‘భగవంత్ కేసరి’ (Bhagavanth Kesari) ట్రైలర్ ను వరంగల్ లో నిర్వహించిన వేడుక సందర్భంగా విడుదల చేశారు మేకర్స్. అనిల్ రావిపూడి (Anil Ravipudi) దర్శకత్వంలో తెరెకెక్కిన సినిమాలో కాజల్ (Kajal) హీరోయిన్ కాగా.. శ్రీలీల (Sreeleela) కీలక పాత్రలో నటించింది. బాలీవుడ్ హీరో అర్జున్ రామ్ పాల్ విలన్ గా నటించారు.
సినిమా ట్రైలర్ మొత్తం మాస్, యాక్షన్, సెంటిమెంట్ లో ఉందని చెప్పాలి. కుమార్తెను సమాజంలో ఉన్నతంగా తీర్చిదిద్దుతూ.. ఆమెను మిలటరీలో చేరేందుకు ట్రైనింగ్ ఇచ్చే తండ్రిగా బాలకృష్ణ కనిపించారు. అనంతరం కుమార్తె కిడ్నాప్.. ఆమెపై విలన్లు పగబట్టడం.. వారిపై బాలకృష్ణ తిరగబడటం వంటి సన్నివేశాలతో ట్రైలర్ ను రూపొందించారు.
బాలకృష్ణ తనదైన మాస్ డైలాగులతో అలరించారు. తమన్ సినిమాకు తన మార్క్ బ్యాక్ గ్రౌండ్ స్కోరింగ్ అందించారు. ఈనెల 19న సినిమా విడుదల కానుంది. నిర్మాతలు సాహు గారపాటి, హరీశ్ పెద్ది షైన్ క్రియేషన్స్ బ్యానర్ పై సినిమాను నిర్మించారు.