Bala Krishna: ‘ఇటివల ఒకాయన.. ‘’ఈయన విగ్గు పెట్టుకుంటాడ’’ని నన్ను ఎగతాళి చేశాడు. అవునయ్యా.. నేను విగ్గు పెట్టుకుంటా. మరి.. నువ్వెందుకు గడ్డం పెంచుకుంటున్నావని అడిగా. మనదంతా ఓపెన్ బుక్. ఎవరికీ భయపడేది లేద’ని హీరో బాలకృష్ణ (Bala Krishna) అన్నారు. హైదరాబాద్లో జరిగిన భగవంత్ కేసరి (Bhagavanth Kesari) సినిమా ప్రెస్ మీట్లో ఆయనీ వ్యాఖ్యలు చేశారు.
‘దేవాలయంలో మనం చేసే ప్రదిక్షిణలు, దైవ నామస్మరణ 108తో ముడిపడి ఉంటాయి. నేను నటించిన 108వ సినిమా భగవంత్ కేసరి. శరన్నవరాత్రి ఉత్సవాల్లో భాగంగా సినిమా విడుదల కావడం అనందంగా ఉంది. దుర్గ అంటే స్త్రీ శక్తి. ఈ సినిమా కూడా అదే కథాంశంతో రూపొందింది. అనిల్ రావిపూడి (Anil Ravipudi) , నేనూ.. డైలాగ్స్, గెటప్స్ పై రీసెర్చ్ చేశాం’.
‘మాకు మేమే పోటీ. నాకు ఎవరూ పోటీ కాదు. నేనెవర్నీ పట్టించుకోను. నా అభిమానుల్ని దృష్టిలో ఉంచుకునే సినిమా చేస్తా. ఇప్పుడు మీరు చూస్తున్న పాత్ర కాకుండా మరొకటి ఉంది. శ్రీలీల అద్భుతమైన నటి. సినిమా మీ అందరికీ నచ్చుతుంద’ని అన్నారు.