Bala Krishna: ‘నేనిప్పుడిప్పుడే దర్శకుడిగా ఎదుగుతున్నా. ఇది నా ఏడో సినిమా. అయినా మీరు నన్ను గురువుగారు అని సెట్లో పిలవడం ఆనందంగా అనిపించింది. దర్శకుడి స్థానానికి మీరిచ్చే గౌరవానికి నేను ఫిదా అయ్యాన’ని దర్శకుడు అనిల్ రావిపూడి అన్నారు. ఆహా ఓటీటీలో ‘అన్ స్టాపబుల్ విత్ ఎన్ బీకే’ కొత్త ఎడిషన్లో బాలకృష్ణ హీరోగా నటించిన భగవంత్ కేసరి టీమ్ పాల్గొంది. సెట్లో తనను బాలకృష్ణ గురువుగారని పిలవడంపై మాట్లాడారు.
దీనిపై బాలకృష్ణ స్పందిస్తూ.. ‘దర్శకుడు నా పాత్రకు ప్రాణం పోస్తారు. దర్శకుడి కుర్చిలో కూర్చున్న ఎవరైనా నాకు తండ్రిలాంటి వారే. అందుకే దర్శకుడిని నేను గురువుగారు అని పిలుస్తా’నని బాలకృష్ణ అన్నారు. దీంతో వీరిద్దరి సంబాషణ ఆకట్టుకుంది.
శ్రీలీల గురించి మాట్లాడుతూ.. ‘ఇండస్ట్రీలోకి వచ్చీరాగానే ఫిల్మ్ నగర్ నడిబొడ్డులో జెండా పాతేశావు. అయితే.. బాలకృష్ణతో లేదంటే శ్రీలీలతో.. లేదంటే వీరిద్దరినీ కలిపి సినిమా చేయాలని అనుకుంటున్నారు. చాలా తెలివైన, అల్లరి పిల్లవి. ఇండస్ట్రీలో చాలా కాలం ఉంటావ’ని అన్నారు.