‘రాజధాని ఎక్కడ వుండాలనేది రాష్ట్ర ప్రభుత్వ నిర్ణయం.. రాజధానికి భూములు ఇచ్చినంతమాత్రాన రాజధాని ఎక్కడ వుండాలో నిర్ణయించేది అమరావతి ప్రాంత రైతులు కాదు.. రాజధాని తరలింపు కోసం ఖర్చయ్యేది కేవలం 70 కోట్లు మాత్రమే.. రాజధాని తరలింపుని ఏ ఉద్యోగ సంఘమూ ఇప్పటిదాకా వ్యతిరేకించలేదు..’ అంటూ సచివాలయ ఉద్యోగుల సంఘం న్యాయస్థానానికి విన్నవించుకుంది రాజధాని అమరావతి విషయంలో. ఇది నిజంగానే షాకింగ్‌ ట్విస్ట్‌గా చెప్పుకోవాలి.
నిజమే, రాజధాని ఎక్కడ.? అన్న విషయాన్ని నిర్ణయించేది రాష్ట్ర ప్రభుత్వమే. ఇందులో ఇంకో మాటకు తావు లేదు. కానీ, ప్రభుత్వం మారిన ప్రతిసారీ రాజధాని మారితే ఎలా.? మూడు రాజధానుల ప్రతిపాదన వచ్చింది.. అంటే, ఉద్యోగులు మూడు వైపులకు విడిపోవాల్సిందేనా.? తర్వాతి ప్రభుత్వం ముప్ఫయ్‌ రాజధానులంటుంది.. అప్పుడు పరిస్థితి ఏంటి.? ఇంకో ప్రభుత్వం మూడు వందల రాజధానులని చెబితే ఏం చేయాలి.? అయినా, రైతులు ప్రభుత్వానికి భూములు ఎందుకు ఇచ్చారన్నది కీలకం. అప్పటి అధికార పక్షం, ప్రతిపక్షం.. కలిసి నిర్ణయం తీసుకుంటేనే అమరావతి రాజధాని అయ్యింది.
చట్ట సభల సాక్షిగా అన్ని రాజకీయ పార్టీలు అమరావతికి అంగీకారం తెలిపాయి. అలా శాసన సభను నమ్మి.. రైతులు, ప్రభుత్వానికి భూములు ఇచ్చారు. తమ ప్రాంతంలో రాజధాని వస్తుంది కాబట్టే ఆ రాజధానికి తమ భూముల్ని ఇచ్చారు రైతులు. నిజానికి, ప్రపంచ చరిత్రలో ఇలాంటి త్యాగం ఇంకెక్కడా జరగలేదన్నది నిర్వివాదాంశం. పచ్చని పంట పొలాల్ని ఊరికినే కాంక్రీట్‌ జంగిల్‌గా మార్చేస్తామంటే రైతులు ఒప్పుకుంటారా.? రాజధాని కోసం రైతుల్ని ఒప్పించే క్రమంలో అప్పటి ప్రభుత్వం చాలా హామీలు ఇచ్చింది. అవన్నీ రికార్డెడ్‌ హామీలు. చట్టబద్ధమైన ఒప్పందాలు.
సరే, రాజధాని పేరుతో చంద్రబాబు సర్కార్‌ ‘భూ దందా’ చేసిందనే వైసీపీ ఆరోపణలూ లేకపోలేదే. అలా భూ దందా ఎవరు చేశారో వారిపై చర్యలు తీసుకోవచ్చు. చంద్రబాబు చెప్పినదానికంటే అద్భుతంగా అమరావతిని తీర్చిదిద్ది ఆ క్రెడిట్‌ని వైసీపీ తన ఖాతాలో వేసుకోవడానికి అవకాశముంది. కానీ, ఇక్కడ ఎందుకో వైఎస్‌ జగన్ ప్రభుత్వం భేషజాలకు పోతోంది. ఈ ఎపిసోడ్‌లోకి ఉద్యోగ సంఘాలు ఎంటర్‌ అవడం కాస్తంత ఆశ్చర్యకరమే. హైద్రాబాద్‌ నుంచి అమరావతికి తరలి వచ్చే క్రమంలో ఉద్యోగులు చాలా షరతులు ప్రభుత్వం ముందుంచారు. కానీ, రైతులు మాత్రం.. అమరావతి విషయంలో తమకు అప్పటి ప్రభుత్వం ఇచ్చిన హామీలపై నిలదీయకూడదట. ఎవరి మెప్పు కోసం ఈ వింత వాదనను ఉద్యోగ సంఘాలు తెరపైకి తెచ్చినట్లు.? హైద్రాబాద్‌ నుంచి అమరావతికి.. అమరావతి నుంచి విశాఖకు.. నెక్స్‌ట్‌ ఏంటి.?
710846 300693when i was a kid, i adore to receive an assortment of birthday presents like teddy bears and mechanical toys, 111864
751668 229494i always enjoy to do blog hopping and i stumbled upon your blog .”~; 807710