అనంత్ శ్రీరామ్‌ని చిరంజీవి ఎందుకు మందలించలేదు.? అసలు మందలించడమెందుకు.?

సినీ పాటల రచయిత అనంత్ శ్రీరామ్, గాడ్ ఫాదర్ సక్సెస్ మీట్ సందర్భంగా ‘గరికపాటి’ ఉదంతాన్ని పరోక్షంగా ప్రస్తావించారు. మెగాస్టార్ చిరంజీవి అక్కడే వున్నారు. అనంత్ శ్రీరామ్ మాత్రమే కాదు, నిర్మాత ఎన్వీ ప్రసాద్ సహా, ‘గాడ్ ఫాదర్’ టీమ్ దాదాపుగా అక్కడే వున్నారు.. చాలామంది గరికపాటి నరసింహారావు వ్యవహారంపై ఘాటుగా స్పందించారు.

కానీ, కొందరికి ఈ వ్యవహారం నచ్చలేదు. చిరంజీవి యెదురుగా వాళ్ళంతా గరికపాటిని ఏకిపారేయడాన్ని సోకాల్డ్ మేధావులు జీర్ణించుకోలేకపోతున్నారు. వీళ్ళంతా ఇప్పుడు గరికపాటి అభిమానులన్నమాట. చిరంజీవికి వ్యతిరేకంగా ఎవడు ఏ చెత్త వాగినా, ఆ చెత్త వాగుడు వాగినోళ్ళకి అభిమానులైపోతుంటారు వీళ్ళంతా. అదో పైత్యం.!

ప్రధానంగా బులుగు మీడియా, పచ్చ మీడియా.. ఈ రెండిటి ఉద్దేశ్యం చిరంజీవిని కార్నర్ చేయడమే. అలయ్ బలయ్ వేదికపై చిరంజీవిని బెదిరించే ధోరణిలో రెచ్చిపోయారు గరికపాటి నరసింహారావు. అది ప్రవచనాల వేదిక కాదు.. అలయ్ బలయ్ కార్యక్రమం. అక్కడ ఎలాంటి హంగామా వుంటుందో గరికపాటి లాంటోళ్ళకి తెలియదా.?

తెలిసే, చిరంజీవిని గరికపాటి టార్గెట్ చేశారు. కానీ, చిరంజీవి హుందాతనం ప్రదర్శించారు. మౌనంగానే వున్నారు. ఈ విషయంలో చిరంజీవిని మౌన ముని అనొచ్చు. ఎవరైనా తన మీద విపరీతమైన వ్యాఖ్యలు చేస్తే, చిరంజీవి రెచ్చిపోరు. అది ఆయన గొప్పతనం. చిరంజీవి అలా మౌనంగా వుండటమంటే, దాన్ని చేతకానితనంగా కొందరు భావిస్తారు. అందుకే, చిరంజీవిని అభిమానించేవాళ్ళు స్పందిస్తుంటారు.

అక్కడ గరికపాటిని చిరంజీవి ఏమీ అనలేదు.. ఇక్కడ అనంత్ శ్రీరామ్‌ని కావొచ్చు, ఇంకొకర్ని కావొచ్చు.. చిరంజీవి వారించాలని ఎవరైనా ఎందుక కోరుకుంటారు.? అక్కడా ఆయన సంయమనం పాటించారు, ఇక్కడా సంయమనం పాటించారంతే. ఎవరో, ఎవర్నో తిడితే.. ఈ బులుగు పచ్చ పెయిడ్ బ్యాచ్‌కి ఎందుకు మండుతోందట.? ఇది కాస్త ఆలోచించాల్సిన విషయమే.

గరికపాటి విషయంలో సంయమనం పాటించి చిరంజీవి ఎవరెస్టు శిఖరమంత ఎత్తుకు ఎదిగారని పేర్కొన్న బులుగు పచ్చ మీడియానే, ఇప్పుడు చిరంజీవి ఇమేజ్ అనంత్ శ్రీరామ్ కారణంగా పాతాళానికి పడిపోయిందని రాస్తోంది. ఎవడో మొరిగితే తగ్గిపోయే ఇమేజ్ కాదు చిరంజీవిది. ఎవరో చిరంజీవినని వెనకేసుకొస్తే మారిపోయే రేంజ్ కాదు చిరంజీవిది.!