హీరోయిన్ గా ఇండస్ట్రీలోకి అడుగుపెట్టి క్యారెక్టర్ ఆర్టిస్ట్ గా మారిన పూర్ణ, రీసెంట్ గా రాజ్ తరుణ్ నటించిన పవర్ ప్లేలో ఆసక్తికర పాత్ర పోషించింది. ఈ సినిమాలో ఆమె పాత్రకు మంచి గుర్తింపు వస్తోంది. ఈ నేపథ్యంలో పూర్ణ గారితో ఇంటర్వ్యూ చేసే అవకాశం లభించింది. ఆమెతో సరదా సరదాగా సాగిన సంభాషణ మీకోసం…
హలో పూర్ణ గారు! ఎలా ఉన్నారు?
హలో అండీ! బాగున్నాను.
మీరు చేస్తున్న సినిమాల గురించి మాకు చెప్తారా?
నేను ప్రస్తుతం నందమూరి బాలకృష్ణ గారి సినిమాలో నటిస్తున్నాను. బోయపాటి శ్రీను గారు దర్శకుడు. ఈ ప్రాజెక్ట్ గురించి చాలా ఉత్సాహంగా ఎదురుచూస్తున్నాను. సుందరి అనే ప్రాజెక్ట్ ను పూర్తి చేశాను. అలాగే వెంకటేష్ గారి దృశ్యం 2లో చిన్న పాత్రలో కనిపించనున్నాను. ఇవి కాకుండా మిగిలిన భాషల్లో పలు ప్రాజెక్ట్స్ ఉన్నాయి.
బాలకృష్ణ గారితో సినిమా గురించి కొంచెం ఏమైనా లీక్ చేస్తారా?
సడెన్ గా ఒకరోజు నాకు ఈ సినిమా ఆఫర్ గురించి కాల్ వచ్చింది. వెంటనే నమ్మలేకపోయా. ఇందులో చాలా మంచి పాత్ర చేస్తున్నాను. సినిమా రిలీజ్ కోసం ఉత్సాహంగా ఎదురుచూస్తున్నా. నాకు పేరు తీసుకొచ్చే సినిమా అవుతుంది.
మీరు నటించిన పవర్ ప్లే ఇప్పుడు థియేటర్స్ లో ఉంది. ఈ సినిమా గురించి చెప్పండి
విజయ్ కుమార్ కొండా గారు దర్శకత్వం వహించిన ఈ చిత్రంలో రాజ్ తరుణ్ హీరోగా నటించారు. నా కెరీర్ లో తొలిసారి నెగటివ్ షేడ్స్ ఉన్న పాత్రను పోషించాను. మొదట ఈ రోల్ చేస్తున్నప్పుడు ప్రేక్షకులు ఎలా రిసీవ్ చేసుకుంటారా అని భయపడ్డాను కానీ ఇప్పుడు నా పాత్రకు, పెర్ఫార్మన్స్ కు వస్తున్న రెస్పాన్స్ చూస్తుంటే చాలా సంతోషంగా ఉంది.
మరి భవిష్యత్తులో కూడా నెగటివ్ రోల్స్ లో నటించడం మీకు ఇష్టమేనా?
తప్పకుండా. నెగటివ్ రోల్ అనే కాదు, నా వరకూ ఎలాంటి పాత్ర చేయడానికైనా నేను రెడీగా ఉన్నాను. అయితే కథ, నా పాత్ర మలిచిన తీరు చాలా ముఖ్యం. అలాగే నా పాత్రకు సినిమాలో మంచి స్కోప్ ఉండాలి. ప్రస్తుతం ఫీమేల్ ఓరియెంటెడ్ స్క్రిప్ట్స్ లో కూడా నటిస్తున్నాను.
పవర్ ప్లేలో మీరు ఎవరితో నటించడాన్ని బాగా ఎంజాయ్ చేసారు?
పవర్ ప్లేలో హీరో రాజ్ తరుణ్ తో కానీ హీరోయిన్ తో కానీ నాకు ఎలాంటి సీన్స్ లేవు. ఈ సినిమాలో నాకు ఎక్కువగా అజయ్ తో సన్నివేశాలు ఉన్నాయి. ఆయన చాలా మంచి నటుడు. అయితే ఈ సినిమా వరకూ మాత్రం దర్శకుడే నా ఫెవరెట్ కో-స్టార్.
విజయ్ గారితో మరో సినిమా చేయడానికి మీరు సిద్ధమేనా?
మరోసారి విజయ్ కుమార్ కొండా గారితో వర్క్ చేయడాన్ని తప్పకుండా ఆస్వాదిస్తాను. ఆయన చాలా కామ్ అండ్ స్వీట్ పర్సన్. సెట్స్ లో అందరినీ బాగా చూసుకుంటారు.
పవర్ ప్లే సినిమాకు మీరు అందుకున్న బెస్ట్ కంప్లిమెంట్ ఏంటి?
నా స్నేహితులకు ఈ సినిమాలో నా రోల్ బాగా నచ్చింది. ఈ సినిమాలో నా పాత్ర నిజ జీవితానికి దగ్గరగా ఉంది అంటూ నన్ను ఆటపట్టిస్తున్నారు. నా దృష్టిలో వారిదే బెస్ట్ కంప్లిమెంట్.
ఈ సినిమాలో నెగటివ్ రోల్ చేసేటప్పుడు ఎవరినైనా ఇన్స్పిరేషన్ గా తీసుకున్నారా?
రమ్య కృష్ణ మేడమ్ నా బిగ్గెస్ట్ ఇన్స్పిరేషన్. ఈ సినిమా ఒప్పుకున్నప్పుడు రమ్య కృష్ణ గారి నీలాంబరి పాత్రను స్ఫూర్తిగా తీసుకున్నాను. పవర్ ప్లే చేస్తున్నన్ని రోజులు రమ్య కృష్ణ మేడమ్ నా మైండ్ లోనే ఉన్నారు.
పవర్ ప్లే సినిమా చూడటానికి మెయిన్ ప్లస్ పాయింట్స్ ఏంటి?
ఇది ఒక థ్రిల్లర్ మూవీ. విజువల్స్, సౌండ్ ఎఫెక్ట్స్, నరేషన్ ఈ సినిమాలో బిగ్గెస్ట్ ప్లస్ పాయింట్స్. థియేటర్ లోనే కచ్చితంగా ఎంజాయ్ చేసే సినిమా పవర్ ప్లే.
మీరు తెలుగులో చేసిన పాత్రల్లోకి మీ బెస్ట్ రోల్ ఏంటి?
కచ్చితంగా అవును చిత్రం. ఈ సినిమా నాకు ఒక ఛాలెంజ్ లాంటిది. ఇందులో నేను భయపడుతూ ప్రేక్షకులను భయపెట్టాలి. అయితే అక్కడ భయపడటానికి ఏం ఉండదు. నేనే ఏదో ఊహించుకుని భయపడాలి. దీన్ని ఒక ఛాలెంజ్ గా తీసుకుని కష్టపడ్డాను.
టాలీవుడ్ లో మీ ఫెవరెట్ దర్శకుడు ఎవరు?
నేను ఇప్పటిదాకా పనిచేసిన దర్శకులు అందరికీ వారి వారి స్టైల్ ఉంది. వీరందరూ నా ఫెవరెట్. అవకాశం వస్తే అందరితో మళ్ళీ పనిచేయాలని ఉంది.
ఏ దర్శకుడు, నటుడుతో పనిచేయాలని మీ కోరిక?
నేను బాగా చేయగలను అని నమ్మి, నాకు అవకాశం ఇచ్చే ఏ దర్శకుడితోనైనా పనిచేయడం నాకు ఇష్టమే. వీరితో పనిచేయాలని ఉంది అని పాయింట్ అవుట్ చేయలేను. ఇక హీరోలలో ఎన్టీఆర్ గారితో, అల్లు అర్జున్ గారితో పనిచేయాలని ఉంది. వారితో కలిసి ఏదో ఒకరోజు డ్యాన్స్ చేయగలను అనే అనుకుంటున్నాను.
మీరు చాలా మంచి డ్యాన్సర్. మీ నుండి డ్యాన్స్ ఓరియెంటెడ్ ఫిల్మ్ ను ఊహించవచ్చా?
నేను ఎప్పటినుండో డ్యాన్స్ ఓరియెంటెడ్ సినిమా చేయాలని అనుకుంటున్నాను. అయితే దానికి తగ్గ కథ, దర్శకుడు వచ్చినప్పుడు కచ్చితంగా డ్యాన్స్ ఓరియెంటెడ్ స్క్రిప్ట్ చేస్తాను.
చివరిగా మీ ఫ్యాన్స్ కు మీరు ఏమైనా చెప్పాలనుకుంటున్నారా?
నా ఫ్యాన్స్ అందరికీ పెద్ద థాంక్స్. ఇన్నేళ్ల నుండి నేను ఇండస్ట్రీలో విజయవంతంగా కొనసాగగలుగుతున్నా అంటే అది కచ్చితంగా వారి వల్లనే. వారి ప్రేమ, అభిమానులు ఎప్పుడూ నాపైన అలానే ఉండాలని కోరుకుంటున్నా.
ఆ విధంగా పూర్ణగారికి ఆల్ ది బెస్ట్ చెబుతూ మా ఇంటర్వ్యూ ముగిసింది.
ఇంటర్వ్యూ బై
రసజ్ఞ అదితి
701534 328323An attention-grabbing dialogue is value comment. I believe which you want to write much more on this matter, it wont be a taboo topic nevertheless generally individuals are not sufficient to speak on such topics. To the next. Cheers 10948
254727 784689Truly instructive and wonderful structure of content material material , now thats user friendly (:. 25147
493882 580671Awesome blog, Im going to spend much more time researching this subject 619096
555406 863771 You created some decent points there. I looked on the internet for the problem and identified most individuals will go along with along with your web site. 681724